ಮಹಿಳಾ ದಿನಕ್ಕೆ 'ನಿರ್ಭಯ ಸಮಾಜ ಕಟ್ಟೋಣ' ಎಂದ ಪವರ್ ಸ್ಟಾರ್ ಪುನೀತ್, ಬಿಎಂಟಿಸಿ ವಿಡಿಯೋ!

ಬೆಂಗಳೂರು: ಮಾರ್ಚ್ 20ಕ್ಕೆ ನಿರ್ಭಯ ಅತ್ಯಾಚಾರಿಗಳಿಗೆ ಡೆಟ್ ವಾರಂಟ್ ಗೆ ಆದೇಶಿಸಲಾಗಿದ್ದು ಇನ್ನು ನಾಳೆ ಮಹಿಳಾ ದಿನಾಚರಣೆ ಹಿನ್ನೆಲೆಯಲ್ಲಿ ಮಹಿಳಾ ಜಾಗೃತಿ ಕುರಿತು ಸಮಾಜಕ್ಕೆ ನಟ ಪುನೀತ್ ರಾಜಕುಮಾರ್ ಪವರ್ ಫುಲ್ ಸಂದೇಶ ನೀಡಿದ್ದಾರೆ.

ಮಾರ್ಚ್ 8ರಂದು ಮಹಿಳಾ ದಿನಾಚರಣೆಗಾಗಿ ಬಿಎಂಟಿಸಿ ಈ ವಿಡಿಯೋವನ್ನು ಬಿಡುಗಡೆ ಮಾಡಿದ್ದಾರೆ. ಬಿಎಂಟಿಸಿ ತನ್ನ ರಾಯಭಾರಿ ಪುನೀತ್ ರಾಜಕುಮಾರ್ ಮೂಲಕ ಉತ್ತಮ ಸಂದೇಶ ನೀಡಿದೆ. 

ಕೆಲವೊಮ್ಮೆ, ಸಮಾಜವನ್ನು ಉತ್ತಮಗೊಳಿಸಲು ಬೇಕಾಗಿರುವುದು ಒಗ್ಗಟ್ಟು..!!  ಈ ಮಹಿಳಾ ದಿನದಂದು ನಮ್ಮಲ್ಲಿರುವ ಏಕತೆಯನ್ನು ಕಂಡು ಕೊಳ್ಳೋಣ ಹಾಗೂ ಮಹಿಳೆಯರಿಗಾಗಿ ಎಲ್ಲೆಡೆ ಒಟ್ಟಾಗಿ ನಿಲ್ಲೋಣ ಎಂದು ಕರೆ ನೀಡಿದೆ. 

ಇನ್ನು ಈ ವಿಡಿಯೋದಲ್ಲಿ ಮಹಿಳೆಯನ್ನು ಚುಡಾಯಿಸುವ ಪುಂಡರ ವಿರುದ್ಧ ಸುತ್ತಲ ಸಾರ್ವಜನಿಕರೆಲ್ಲರೂ ಒಟ್ಟಾಗಿ ನಿಂತು ಆಕೆಗೆ ಧೈರ್ಯ ನೀಡುವ ದೃಶ್ಯವಿದೆ. ಇದೇ ವೇಳೆ ನೀವು ಬರ್ತೀರಾ? ಎಲ್ಲರೂ ಸೇರಿ ನಿರ್ಭಯ ಸಮಾಜ ಕಟ್ಟೋಣ ಅಂತಾ ಪುನೀತ್ ಕೇಳಿದ್ದಾರೆ.