ಬೆಂಗಳೂರು: ಬಿಬಿಎಂಪಿ ವ್ಯಾಪ್ತಿಯಲ್ಲಿರುವ ಉದ್ದಿಮೆದಾರರು ಇನ್ನು ಮುಂದೆ ವಾಣಿಜ್ಯ ಪರವಾನಗಿ ನವೀಕರಣವನ್ನು ಆನ್'ಲೈನ್ ಮೂಲಕವೇ ಮಾಡಿಸಿಕೊಳ್ಳಲು ಅವಕಾಶ ಮಾಡಿಕೊಡಲಾಗಿದೆ.
ಕೊರೋನಾ ಸೋಂಕು ಭೀತಿ ಇರುವ ಹಿನ್ನೆಲೆಯಲ್ಲಿ ವ್ಯಕ್ತಿಗಳ ಮುಖಾಮುಖಿ ಸಂಪರ್ಕ ತಪ್ಪಿಸುವ ಉಧ್ದೇಶದಿಂದ ಆನ್'ಲೈನ್ ಬಳಕೆ ಹೆಚ್ಚಿಸುವ ಹಾಗೂ ಆನ್'ಲೈನ್'ನ ಮೂಲಕವೇ ಪರವಾನಗಿ ಅರ್ಜಿಗಳನ್ನು ವಿಲೇವಾರಿ ಮಾಡುವಂತೆ ರಾಜಿಯ ಸರ್ಕಾರ ಇತ್ತೀಚೆಗೆ ಎಲ್ಲಾ ಸ್ಥಳೀಯ ಸಂಸ್ಥೆಗಳಿಗೆ ನಿರ್ದೇಶನ ನೀಡಿತ್ತು.
ಈ ಹಿನ್ನೆಲೆಯಲ್ಲಿ ಈಸ್ ಆಫ್ ಡೂಯಿಂಗ್'ನ ಭಾಗವಾಗಿ ವಾಣಿಜ್ಯ ಉದ್ದಿಮೆಗಳ ಪರವಾನಗಿ ನವೀಕರಣಕ್ಕೆ ಹೊಸದಾಗಿ ಅರ್ಜಿ ಸಲ್ಲಿಸದೆ ಈಗಾಗಲೇ ಇರುವ ಅರ್ಜಿಯ ಮೂಲಕ ಹಾಗೂ ಶುಲ್ಕ ಮಾತ್ರ ಪಾವತಿ ಮಾಡುವ ಮೂಲಕ ಪರವಾನಗಿ ನವೀಕರಣ ಮಾಡಿಕೊಳ್ಳಬಹುದು ಎಂದು ಬಿಬಿಎಂಪಿ ಆಯುಕ್ತ ಎನ್.ಮಂಜುನಾಥ್ ಪ್ರಸಾದ್ ಅವರು ಹೇಳಿದ್ದಾರೆ.
Advertisement