ಬೆಂಗಳೂರು: ವೃತ್ತಿ ಶಿಕ್ಷಣ ಪ್ರವೇಶಕ್ಕೆ ನಡೆಸುವ ಕಾಮೆಡ್-ಕೆ ಪರೀಕ್ಷೆಯಲ್ಲಿ ಟಾಪ್ 100 ರ್ಯಾಂಕ್ ಪಡೆದವರಲ್ಲಿ ಒಟ್ಟು 45 ಮಂದಿ ಕರ್ನಾಟಕದ ಅಭ್ಯರ್ಥಿಗಳಾಗಿದ್ದಾರೆ.
ಮೊದಲ 10 ರ್ಯಾಂಕ್ ಗಳಲ್ಲಿ ಇಬ್ಬರಾದ ಮೊದಲ ರ್ಯಾಂಕ್ ಗಳಿಸಿದ ರಕ್ಷಿತ್ ಎಂ ಮತ್ತು ಸಾದನ್ ಹುಸೇನ್ 7ನೇ ರ್ಯಾಂಕ್ ಪಡೆದವರು ಬೆಂಗಳೂರಿಗರಾಗಿದ್ದಾರೆ. ಕಳೆದ ಆಗಸ್ಟ್ 19ರಂದು ಕಾಮೆಡ್ -ಕೆ 300 ಕೇಂದ್ರಗಳಲ್ಲಿ ಪ್ರಸಕ್ತ ವರ್ಷ 20 ಸಾವಿರ ಸೀಟುಗಳಿಗೆ ಆನ್ ಲೈನ್ ಮೂಲಕ ಪರೀಕ್ಷೆ ನಡೆಸಿತ್ತು.
ಸಾವಿರ ರ್ಯಾಂಕ್ ಒಳಗಿನವರಲ್ಲಿ 346 ಎಂಜಿನಿಯರಿಂಗ್ ಸೀಟು ಆಕಾಂಕ್ಷಿಗಳು ಕರ್ನಾಟಕದವರಾಗಿದ್ದು ಉಳಿದ 654 ಆಕಾಂಕ್ಷಿಗಳು ಬೇರೆ ರಾಜ್ಯದವರಾಗಿದ್ದಾರೆ. ಅರ್ಹ ಅಭ್ಯರ್ಥಿಗಳ ರ್ಯಾಂಕ್ ಕಾರ್ಡುಗಳು ಕಾಮೆಡ್ ಕೆ ವೆಬ್ ಸೈಟ್ www.comedk.orgಯಲ್ಲಿ ಲಭ್ಯವಿರುತ್ತದೆ.
Advertisement