ಬೆಂಗಳೂರು: ಕರ್ನಾಟಕ ಸರ್ಕಾರವು ನಿರುದ್ಯೋಗಿ ಯುವಕರಿಗೆ ಆರ್ಥಿಕ ನೆರವು ನೀಡಲು ಯುವ ನಿಧಿ ಯೋಜನೆಯನ್ನು ಜಾರಿಗೆ ತರಲು ಮಾರ್ಗಸೂಚಿಗಳನ್ನು ಬಿಡುಗಡೆ ಮಾಡಿದೆ. ಚುನಾವಣಾ ಪೂರ್ವದಲ್ಲಿ ಕಾಂಗ್ರೆಸ್ ಘೋಷಿಸಿದ ಐದು ಭರವಸೆಗಳಲ್ಲಿ ಇದು ಒಂದಾಗಿದೆ.
ಯುವ ನಿಧಿ ಯೋಜನೆ ಯುವಜನತೆಗೆ ಹೇಗೆ ಅನ್ವಯ?: 2022-23 ರಲ್ಲಿ ಪದವಿ ಅಥವಾ ಡಿಪ್ಲೋಮಾಗಳನ್ನು ಪೂರ್ಣಗೊಳಿಸಿದ ಆರು ತಿಂಗಳ ನಂತರ ಉದ್ಯೋಗವನ್ನು ಪಡೆಯದ ಕನ್ನಡಿಗರು (ಕರ್ನಾಟಕದ ನಿವಾಸಿಗಳು) ಎರಡು ವರ್ಷಗಳವರೆಗೆ ಕ್ರಮವಾಗಿ 3,000 ರೂಪಾಯಿ ಮತ್ತು 1,500 ರ ಮಾಸಿಕ ಆರ್ಥಿಕ ಸಹಾಯಕ್ಕೆ ಅರ್ಹರಾಗಿರುತ್ತಾರೆ. ಎರಡು ವರ್ಷಗಳೊಳಗೆ ಉದ್ಯೋಗ ಸಿಕ್ಕರೆ ಅದನ್ನು ಸ್ಥಗಿತಗೊಳಿಸಲಾಗುವುದು ಮತ್ತು ಅವರ ಉದ್ಯೋಗ ಸ್ಥಿತಿಯ ಬಗ್ಗೆ ಸರಿಯಾದ ಮಾಹಿತಿಯನ್ನು ಸರ್ಕಾರಕ್ಕೆ ನೀಡದಿದ್ದರೆ ದಂಡ ವಿಧಿಸಲಾಗುವುದು ಎಂದು ಸರ್ಕಾರವು ಎಚ್ಚರಿಕೆ ನೀಡಿದೆ.
ಯುವಜನತೆ ಪ್ರತಿಕ್ರಿಯೆ: ಕರ್ನಾಟಕ ರಾಜ್ಯ ಸ್ಪರ್ಧಾತ್ಮಕ ಪರೀಕ್ಷಾ ಆಕಾಂಕ್ಷಿಗಳ ಸಂಘದ (KSCEAA) ಪ್ರಧಾನ ಕಾರ್ಯದರ್ಶಿ ಮತ್ತು ನಾಗರಿಕ ಸೇವೆಗಳ ಆಕಾಂಕ್ಷಿ ಮಂಜುನಾಥ ಟಿ, “ಯುವ ನಿಧಿ ಯೋಜನೆಯು ಮಾನವಿಕ ಮತ್ತು ತಾಂತ್ರಿಕ ಶೈಕ್ಷಣಿಕ ಹಿನ್ನೆಲೆಯ ಬಡ ವಿದ್ಯಾರ್ಥಿಗಳ ಪಾಲಿಗೆ ಸಬಲೀಕರಣವಾಗಿದೆ. ಮಾರುಕಟ್ಟೆಯ ಬೇಡಿಕೆಯನ್ನು ಪೂರೈಸಲು ಮತ್ತು ಪದವಿ ಗಳಿಸಿದ ಯುವಜನತೆ ಆರ್ಥಿಕವಾಗಿ ಸಬಲರಾಗಲು ಅನುಕೂಲವಾಗುತ್ತದೆ.
ಹೆಚ್ಚುವರಿಯಾಗಿ, ಸರ್ಕಾರದ ಈ ಭತ್ಯೆಗಳು ಸ್ಪರ್ಧಾತ್ಮಕ ಪರೀಕ್ಷೆಯ ಸಿದ್ಧತೆಗಳಿಗೆ ಅಗತ್ಯವಾದ ವೆಚ್ಚಗಳನ್ನು ಪೂರೈಸಲು ಅನೇಕರಿಗೆ ಸಹಾಯ ಮಾಡುತ್ತವೆ. ಯುವಜನತೆಯನ್ನು ಮಾನಸಿಕವಾಗಿ, ಆರ್ಥಿಕವಾಗಿ ರಕ್ಷಿಸುತ್ತದೆ ಎಂದು ಹೇಳಿದರು. ಈ ಯೋಜನೆಯನ್ನು ಯುವಜನರನ್ನು ಸಬಲೀಕರಣಗೊಳಿಸುವ ದೃಷ್ಟಿಕೋನದಿಂದ ನೋಡುವುದು ವಿವೇಕಯುತವಾಗಿದೆ, ಇದು ನಿಜವಾಗಿಯೂ ಅವರ ಆರ್ಥಿಕತೆಗೆ ಒಳ್ಳೆಯದು ಎಂದು ಹೇಳಿದರು.
ಬಹುತೇಕ ಆಕಾಂಕ್ಷಿಗಳು ಈ ಯುವ ನಿಧಿ ಯೋಜನೆಯು 18ರಿಂದ 25 ವರ್ಷಗಳ ನಡುವಿನ ಪದವಿ/ಡಿಪ್ಲೊಮಾ ಹೊಂದಿರುವ ಎಲ್ಲಾ ನಿರುದ್ಯೋಗಿಗಳಿಗೆ ವಿಸ್ತರಿಸಬೇಕೆಂದು ನಿರೀಕ್ಷಿಸುತ್ತಾರೆ ಎಂದರು.
ಹಾಸನ ಜಿಲ್ಲೆಯಿಂದ 2017ರಲ್ಲಿ ಪದವಿ ಉತ್ತೀರ್ಣರಾದವರೊಬ್ಬರು, ನಮಗೆ 3 ಸಾವಿರ ರೂಪಾಯಿ ಬೇಡ, ನಮಗೆ ಕೆಲಸ ಬೇಕು ಎನ್ನುತ್ತಾರೆ. ಇದಲ್ಲದೆ, 2017 ರಿಂದ, ಕರ್ನಾಟಕ ಆಡಳಿತ ಸೇವೆಗಳಿಗೆ (KAS) ಒಂದೇ ಒಂದು ಅಧಿಸೂಚನೆ ಹೊರಡಿಸಿಲ್ಲ ಎನ್ನುತ್ತಾರೆ. ಇದರಿಂದ ನೊಂದು ಕಳೆದ ಎರಡು ವರ್ಷಗಳಿಂದ ಶಿಕ್ಷಕ ವೃತ್ತಿಯನ್ನು ಆಯ್ಕೆ ಮಾಡಿಕೊಂಡಿದ್ದೇನೆ ಎಂದರು.
ಯುವ ನಿಧಿ ಯೋಜನೆ ಕುರಿತು ಅಭಿಪ್ರಾಯ ಹಂಚಿಕೊಂಡ ಅವರು, ಹೊರಹೋಗುವ ಪದವೀಧರರು ಈ ಯೋಜನೆಯ ಲಾಭ ಪಡೆದರೂ, ಸೋಮಾರಿಗಳಾಗುತ್ತಾರೆ, ಮೇಲಾಗಿ, ಅಕ್ಟೋಬರ್‌ನಲ್ಲಿ ಪದವಿ ಪಡೆದ ವಿದ್ಯಾರ್ಥಿಗಳು ಅರ್ಹರಾಗಿರುತ್ತಾರೆ ಆದರೆ ಆರು ತಿಂಗಳ ನಂತರವೇ ಯೋಜನೆ ಜಾರಿಯಾಗಲಿದೆ. ಹಾಗಾದರೆ ಮತ್ತೆ ಈ ಆರು ತಿಂಗಳ ಬಗ್ಗೆ ಏನು ಎಂದು ಪ್ರಶ್ನಿಸಿದರು.
ಅದೇ ರೀತಿ, ಯುಪಿಎಸ್‌ಸಿಗೆ ತಯಾರಿ ನಡೆಸುತ್ತಿರುವ ಇನ್ನೊಬ್ಬ ಆಕಾಂಕ್ಷಿ ನವ್ಯಾ ಸಿ, ನಾನು 2017 ರ ಬ್ಯಾಚ್‌ನಿಂದ ಪಾಸ್ ಆಗಿದ್ದೇನೆ. ಕೋವಿಡ್ ಸಾಂಕ್ರಾಮಿಕ ಸಮಯದಲ್ಲಿ ನಾನು ನನ್ನ ಕೆಲಸ ಕಳೆದುಕೊಂಡಿದ್ದೇನೆ. ನನ್ನಂತೆಯೇ ಅನೇಕರು ಇದ್ದಾರೆ. ಸರ್ಕಾರವು ಖಾಲಿ ಹುದ್ದೆಗಳನ್ನು ಭರ್ತಿ ಮಾಡಿದರೂ, ಹೊಸ ಬ್ಯಾಚ್‌ಗಳಿಗೆ ಇದು ಪ್ರಯೋಜನಕಾರಿಯಾಗಿದೆ. ಯುವ ನಿಧಿ ಯೋಜನೆಯಡಿ ಕಳೆದ ನಾಲ್ಕೈದು ವರ್ಷಗಳ ಪದವೀಧರರನ್ನು ಸಹ ಸೇರಿಸಬೇಕು ಎಂದು ಒತ್ತಾಯಿಸಿದರು.
ಮತ್ತೊಂದೆಡೆ, ಭರತನಾಟ್ಯದಲ್ಲಿ ಸ್ನಾತಕೋತ್ತರ ಓದುತ್ತಿರುವ ನೇಹಾ ಎಚ್, ಇದು ಉತ್ತಮ ಮಾರ್ಗವಾಗಿದೆ ಆದರೆ ಅದರದೇ ಆದ ಸಾಧಕ-ಬಾಧಕಗಳಿವೆ ಎಂದು ಹೇಳಿದರು. 3 ಸಾವಿರ ರೂಪಾಯಿ ನೀಡಿ ಯುವಕ-ಯುವತಿಯರನ್ನು ಸುಸ್ತಾಗಿಸುವ ಬದಲು ಸರ್ಕಾರ ಇಂಟರ್ನ್‌ಶಿಪ್ ಅಥವಾ ಸರ್ಟಿಫಿಕೇಟ್ ಕೋರ್ಸ್‌ಗಳನ್ನು ನೀಡಬಹುದು. ಇದು ಯುವಕರಿಗೆ ಸುಲಭವಾಗಿ ಉದ್ಯೋಗ ಪಡೆಯಲು ಸಹಾಯ ಮಾಡುತ್ತದೆ ಎಂದು ಅವರು ಹೇಳುತ್ತಾರೆ.
Advertisement