ನಮ್ಮ ಮೆಟ್ರೋದಲ್ಲಿ ಪ್ರಾಂಕ್: ಯುವಕ ಪ್ರಾಂಕ್ ಪ್ರಜ್ಜು ವಿರುದ್ಧ ಪ್ರಕರಣ ದಾಖಲು

ಬೆಂಗಳೂರು: ನಮ್ಮ ಮೆಟ್ರೋ ಸ್ಟೇಷನ್ ಮತ್ತು ರೈಲಿನಲ್ಲಿ ಮೂರ್ಛೆ ಬಂದಂತೆ ಪ್ರಾಂಕ್ ಮಾಡಿದ್ದ ಯುವಕನ ವಿರುದ್ಧ ಗೋವಿಂದರಾಜನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಪ್ರಾಂಕ್ ಪ್ರಜ್ಜು ಎಂಬಾತ ವಿಜಯನಗರ ಮೆಟ್ರೋ ನಿಲ್ಧಾಣ ಹಾಗೂ ರೈಲಿನ ಒಳಗೆ ಮೂರ್ಛೆ ಬಂದವನಂತೆ ವರ್ತಿಸಿದ್ದನು. ಇದನ್ನು ನೋಡಿದ ಸಹ ಪ್ರಯಾಣಿಕರು ಕೆಲಕಾಲ ಭಯಭೀತರಾಗಿದ್ದರು.

ಇದನ್ನೂ ಓದಿ: ನಿಯಮ ಮೀರಿ ನಮ್ಮ ಮೆಟ್ರೋದಲ್ಲಿ ಗೋಬಿ ಸವಿದ ವ್ಯಕ್ತಿಗೆ ರೂ.500 ದಂಡ! 

ತಮ್ಮ ಸ್ನೇಹಿತರಿಂದ ವಿಡಿಯೋ ಮಾಡಿಸಿದ್ದ ಪ್ರಾಂಕ್ ಪ್ರಜ್ಜು ಎಂಬಾತ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಮಾಡಿದ್ದನು. ಪ್ರಾಂಕ್ ಮಾಡಿದ್ದ ಯುವಕನ ಬಗ್ಗೆ ಬಿಎಂಆರ್ ಸಿಎಲ್ ಮಾಹಿತಿ ಕಲೆ ಹಾಕಿದ್ದು ನಂತರ ಈ ವಿಡಿಯೋ ಸಂಬಂಧ ಠಾಣೆಗೆ ದೂರು ನೀಡಿದೆ.