ಬಾಣಸವಾಡಿ- ತುಮಕೂರು ನಡುವೆ ಒಂದು ಟ್ರಿಪ್‌ ಮೆಮು ವಿಶೇಷ ರೈಲು ಸೇವೆ!

ಬೆಂಗಳೂರು: ಪ್ರಯಾಣಿಕರ ದಟ್ಟಣೆಯನ್ನು ಸರಿದೂಗಿಸಲು, ನೈರುತ್ಯ ರೈಲ್ವೆಯು ಬಾಣಸವಾಡಿ ಮತ್ತು ತುಮಕೂರು ನಡುವೆ ದಿನಾಂಕ 22.03.2026ರಂದು ಒಂದು ಟ್ರಿಪ್ ಮೆಮು ವಿಶೇಷ ರೈಲು ಸೇವೆಯ ವ್ಯವಸ್ಥೆ ಮಾಡಿದೆ.

ಬಾಣಸವಾಡಿ- ತುಮಕೂರು ಮೆಮು ವಿಶೇಷ ರೈಲು (ರೈಲು ಸಂಖ್ಯೆ 06589 ) ಭಾನುವಾರ ಮಧ್ಯಾಹ್ನ 03.30 ಗಂಟೆಗೆ ಬಾಣಸವಾಡಿಯಿಂದ ಹೊರಟು ಸಾಯಂಕಾಲ 05.15 ಗಂಟೆಗೆ ತುಮಕೂರನ್ನು ತಲುಪಲಿದೆ.

ತುಮಕೂರು- ಬಾಣಸವಾಡಿ ಮೆಮು ವಿಶೇಷ ರೈಲು (ರೈಲು ಸಂಖ್ಯೆ 06590 ) ಭಾನುವಾರ ಸಾಯಂಕಾಲ 05.45 ಗಂಟೆಗೆ ತುಮಕೂರಿನಿಂದ ಹೊರಟು ರಾತ್ರಿ 07.40 ಗಂಟೆಗೆ ಬಾಣಸವಾಡಿಯನ್ನು ತಲುಪಲಿದೆ.

ಈ ಮೆಮು ವಿಶೇಷ ರೈಲಿಗೆ ಹೆಬ್ಬಾಳ, ಚಿಕ್ಕಬಾಣಾವರ, ಗೊಲ್ಲಹಳ್ಳಿ, ದೊಡ್ಡಬೆಲೆ, ನಿಡವಂದ, ಹಿರೇಹಳ್ಳಿ ಮತ್ತು ಕ್ಯಾತ್ಸಂದ್ರ ನಿಲ್ದಾಣಗಳಲ್ಲಿ ನಿಲುಗಡೆಯನ್ನು ನೀಡಲಾಗಿದೆ ಎಂದು ನೈರುತ್ಯ ರೈಲ್ವೆ ಪ್ರಕಟಣೆಯಲ್ಲಿ ತಿಳಿಸಿದೆ.