ಪಾಟ್ನ: ವಿವಾದಾತ್ಮಕ ನಡೆಯನ್ನು ಕೈಗೊಂಡಿರುವ ಬಿಹಾರ ಮುಖ್ಯಮಂತ್ರಿ ಜಿತನ್ ರಾಮ್ ಮಾಂಜಿ ಅವರು ತಮ್ಮ ಅಳಿಯನ್ನು ವೈಯಕ್ತಿಕ ಸಹಾಯಕ(ಪಿಎ)ನಾಗಿ ನೇಮಕ ಮಾಡಿಕೊಂಡಿದ್ದಾರೆ.
ಕುಟುಂಬ ಸದಸ್ಯರನ್ನು ಸರ್ಕಾರಿ ಕೆಲಸಗಳಿಗೆ ನೇಮಕ ಮಾಡಿಕೊಳ್ಳಬಾರದೆಂಬ ಆದೇಶವನ್ನು ಉಲ್ಲಂಘಿಸಿ ಬಿಹಾರದ ಸಿಎಂ ತಮ್ಮ ಅಳಿಯ ದೇವೇಂದ್ರ ಕುಮಾರ್ರನ್ನು ಸಹಾಯಕನಾಗಿ ನೇಮಕ ಮಾಡಿಕೊಂಡು ವಿವಾದಕ್ಕೆ ಎಡೆ ಮಾಡಿಕೊಟ್ಟಿದ್ದಾರೆ. ಇದೇ ಅಲ್ಲದೆ, ಮಾಂಜಿ ಅವರು ತಮ್ಮ ಮತ್ತೊಬ್ಬ ಕುಟುಂಬದ ಸದಸ್ಯ ಸತ್ಯೇಂದ್ರ ಕುಮಾರ್ನನ್ನು ಜವಾನನಾಗಿ ನೇಮಕ ಮಾಡಿಕೊಂಡಿದ್ದಾರೆ.
ಮೇ 23, 2000ದ ಸಚಿವ ಸಂಪುಟ ಕಾರ್ಯದರ್ಶಿ ಇಲಾಖೆ ಆದೇಶ ಹೊರಡಿಸಿತ್ತು. ಅದರಂತೆ ಮಂತ್ರಿಗಳು ತಮ್ಮ ವೈಯಕ್ತಿಕ ಸಹಾಯಕರಾಗಿ ಸಂಬಂಧಿಗಳನ್ನು ನೇಮಕ ಮಾಡಿಕೊಳ್ಳುವುದನ್ನು ನಿಷೇಧಿಸಲಾಗಿತ್ತು.
Advertisement