ನವದೆಹಲಿ: ಭೂ ಸ್ವಾಧೀನ ವಿಧೇಯಕವನ್ನು ಮರು ಘೋಷಣೆ ಮಾಡಿರುವ ಕೇಂದ್ರ ಸರ್ಕಾರದ ಕಾನೂನು ಪ್ರಶ್ನಿಸಿ ರೈತ ಸಂಘಟನೆಗಳು ಸಲ್ಲಿಸಿರುವ ಅರ್ಜಿಗೆ ಉತ್ತರ ನೀಡುವಂತೆ ಸುಪ್ರೀಂಕೋರ್ಟ್ ಕೇಂದ್ರ ಸರ್ಕಾರಕ್ಕೆ ಸೂಚಿಸಿದೆ.
ನ್ಯಾಯಮೂರ್ತಿಗಳಾದ ಎಸ್. ಕೇಹಾರ್ ಮತ್ತು ಆದರ್ಶ್ ಕುಮಾರ್ ಗೋಯೆಲ್ ಅವರಿದ್ದ ಸುಪ್ರೀಂಕೋರ್ಟ್ ವಿಭಾಗೀಯ ಪೀಠ, ದೆಹಲಿ ಗ್ರಾಮೀಣ ಸಮಾಜ್ ಎಂಬ ರೈತ ಸಂಘಟನೆ ಸಲ್ಲಿಸಿದ್ದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಗೆ ಇನ್ನು ನಾಲ್ಕು ವಾರಗಳೊಳಗೆ ಉತ್ತರಿಸುವಂತೆ ನೊಟೀಸು ಕಳುಹಿಸಿದೆ.
ಜೂನ್ 4 ರಂದು ಕೈ ತಪ್ಪಿ ಹೋದ ನಂತರ ಸೂಕ್ತ ಪರಿಹಾರ ಮತ್ತು ದಕ್ಷತೆಯ ಭೂ ಸ್ವಾಧೀನ, ಪುನರ್ವಸತಿ ತಿದ್ದುಪಡಿ ಮಸೂದೆ 2015 ನ್ನು ಕೇಂದ್ರ ಸರ್ಕಾರ ಇತ್ತೀಚೆಗೆ ಮರು ಘೋಷಣೆ ಮಾಡಿತ್ತು.
ಕೇಂದ್ರ ಸರ್ಕಾರದ ಭೂ ಸ್ವಾಧೀನ ವಿಧೇಯಕದ ಮರು ಘೋಷಣೆಯು ಅಸಂವಿಧಾನಿಕ ಮತ್ತು ಒಬ್ಬನ ಅಧಿಕಾರದ ಮಿತಿಯನ್ನು ಮೀರಿದ್ದಾಗಿದ್ದು, ಇದರಿಂದ ಅಧಿಕಾರದ ದುರುಪಯೋಗವಾಗಿದೆ ಎಂದು ರೈತ ಸಂಘಟನೆಗಳು ಆರೋಪಿಸಿವೆ.
