ನವದೆಹಲಿ: ಭಾರತದಲ್ಲಿ ಭಯೋತ್ಪಾದಕ ಚಟುವಟಿಕೆಗಳಿಗೆ ಪಾಕ್ ಐಎಸ್‍ಐ ಮತ್ತು ಸೇನೆ ನೆರವಾಗುತ್ತಿರುವ ಬಗ್ಗೆ ಆಘಾತಕಾರಿ ಅಂಶಗಳನ್ನು ಭಾರತದ ಗುಪ್ತಚರ ಸಂಸ್ಥೆಗಳು ಕಲೆಹಾಕಿವೆ. ಅಷ್ಟೇ ಅಲ್ಲ, ಪಾಕಿಸ್ತಾನದ ಐಎಸ್‍ಐ ಮತ್ತು ಸೇನೆಗೆ ಭಾರತದಲ್ಲಿರುವ ಸಂಪರ್ಕ, ಅಧಿಕಾರಿಗಳ ಹೆಸರು, ವಿಳಾಸಗಳನ್ನೂ ಪಟ್ಟಿ ಮಾಡಲಾಗಿವೆ.
ಇದೇ ಮೊದಲ ಬಾರಿಗೆ ನಮ್ಮ ಗುಪ್ತಚರ ಸಂಸ್ಥೆಗಳು ಪಾಕಿಸ್ತಾನದ ಐಎಸ್‍ಐ ಮತ್ತು ಸೇನೆಯ 30 ಮಂದಿ ಹಿರಿಯ ಅಧಿಕಾರಿಗಳ ಪಟ್ಟಿಯನ್ನು ಸಿದಟಛಿಪಡಿಸಿವೆ. ಇವರು ಜಮ್ಮು ಮತ್ತು ಕಾಶ್ಮೀರ, ದೆಹಲಿ, ಮುಂಬೈನಲ್ಲಿನ ಉಗ್ರರ ಜಾಲದೊಂದಿಗೆ ಸಂಪರ್ಕದಲ್ಲಿರುವ ವಿಚಾರ ಬೆಳಕಿಗೆ ಬಂದಿರುವು ದಾಗಿ ಇಂಡಿಯಾ ಟುಡೇ ವರದಿ ಮಾಡಿದೆ.
ಮುಂಬೈ ದಾಳಿಯ ನಂತರ ಗುಪ್ತಚರ ಸಂಸ್ಥೆಗಳು ಈ ಮಾಹಿತಿ ಕಲೆ ಹಾಕಲು ಆರಂಭಿಸಿದ್ದು, ಮೇಜರ್ ಸಮೀರ್ ಅಲಿ ಮತ್ತು ಮೇಜರ್ ಇಕ್ಬಾಲ್ ಎಂಬ ಇಬ್ಬರು ಐಎಸ್‍ಐ ಅಧಿಕಾರಿಗಳು, ಲಷ್ಕರ್ ಜತೆ ಕೈಜೋಡಿಸಿ, ಉಗ್ರರಿಗೆ ತರಬೇತಿ ನೀಡುವ ಕೆಲಸ ದಲ್ಲಿ ತೊಡಗಿಸಿಕೊಂಡಿರುವುದು ಗೊತ್ತಾಗಿದೆ.
Advertisement