ಮೋದಿ ಹಿಂಬಾಲಕರಿಂದ ನನ್ನ ಅಂಗವಿಕಲ ಮಗನ ನಿಂದನೆ: ಅರುಣ್ ಶೌರಿ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಬೆಂಬಲಿಗರು ಸಾಮಾಜಿಕ ಮಾಧ್ಯಮಗಳಲ್ಲಿ ನನ್ನ ಅಂಗವಿಕಲ ಮಗನನ್ನು ನಿಂದಿಸುತ್ತಿದ್ದಾರೆ ಎಂದು ಕೇಂದ್ರದ ಮಾಜಿ ಸಚಿವ ಅರುಣ್ ಶೌರಿ ಆರೋಪಿಸಿದ್ದಾರೆ.

ಮೋದಿ ಅವರ ಆಡಳಿತ ವೈಖರಿ ಹಾಗೂ ಪ್ರಧಾನಿ ಕಾರ್ಯಾಲಯದ ಬಗ್ಗೆ ವಿಮರ್ಶೆ ಮಾಡಿದ್ದಕ್ಕೆ ನನ್ನ ಮಗನನ್ನು ಸಾಮಾಜಿ ಕ ಮಾಧ್ಯಮಗಳಲ್ಲಿ ಅವಹೇಳನ ಮಾಡಲಾಗುತ್ತಿದೆ. ಈ ಮೂಲಕ ಮೋದಿ ಮೂರ್ಖ ಹಿಂಬಾಲಕರು ಪ್ರಧಾನಿ ಅವರನ್ನು ಅನುಸರಿಸುತ್ತಿದ್ದಾರೆ ಎಂದು ಟೀಕಿಸಿದ್ದಾರೆ.

"ಇಸ್ಕಾ ಮೆಂಟಲ್ ಸನ್ ಹೈ, ವೋ ಔರ್ ಬಿ ಮೆಂಟಲ್ ಬನೇಗಾ" ಎಂದು ಟೀಕಿಸಿದ್ದಾರೆ. ಇದು ನನ್ನ ಮನಸ್ಸಿಗೆ ಸಹಿಸಲಾರದ ನೋವುಂಟುಮಾಡಿದೆ ಎಂದು ಅರುಣ್ ಶೌರಿ ಅವರು ಖಾಸಗಿ ಚಾನೆಲ್ ವೊಂದರ ಚರ್ಚೆಯಲ್ಲಿ ಹೇಳಿದ್ದಾರೆ.