ಭುವನೇಶ್ವರ್: ಒಡಿಶಾ ಸರ್ಕಾರ ತನ್ನ ನೌಕರರಿಗೆ ದಸರಾ ಗಿಫ್ಟ್ ನೀಡಿದ್ದು ಡಿಎ(ತುಟ್ಟಿಭತ್ಯೆ)ಯನ್ನು ಶೇ.6 ರಷ್ಟು ಏರಿಕೆ ಮಾಡಿದೆ.
ಸುಮಾರು 4 ಲಕ್ಷ ಸರ್ಕಾರಿ ನೌಕರರು ಡಿಎ ಏರಿಕೆಯ ಫಲಾನುಭವಿಗಳಾಗಲಿದ್ದಾರೆ ಎಂದು ಒಡಿಶಾ ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ತಿಳಿಸಿದ್ದಾರೆ. ಏರಿಕೆ ಮಾಡಿರುವುದರಿಂದ ಶೇ.113 ರಷ್ಟಿದ್ದ ಡಿಎ ಈಗ ಶೇ.119 ರಷ್ಟಾಗಿದೆ.
ಗುತ್ತಿಗೆ ಆಧಾರದಲ್ಲಿ ಸೇವೆ ಸಲ್ಲಿಸುತ್ತಿರುವ ನೌಕರರು ಸೇರಿದಂತೆ ಎಲ್ಲಾ ಸರ್ಕಾರಿ ನೌಕರರಿಗೂ ಡಿಎ ಏರಿಕೆ ಅನ್ವಯವಾಗಲಿದೆ. ಅಕ್ಟೋಬರ್ ನ ವೇತನದಲ್ಲೇ ಡಿಎ ಏರಿಕೆಯ ಹಣವನ್ನು ಪಡೆಯಲಿದ್ದಾರೆ ಎಂದು ಸರ್ಕಾರಿ ಆದೇಶ ತಿಳಿಸಿದೆ. ತುಟ್ಟಿಭತ್ಯೆ ಏರಿಕೆ ಮಾಡಿರುವುದರಿಂದ ಸರ್ಕಾರಕ್ಕೆ 305 ಕೋಟಿ ರೂಪಾಯಿ ಹೆಚ್ಚಿನ ಹೊರೆ ಬಿಳಲಿದೆ.
Advertisement