ಒಆರ್‍ಒಪಿ ಅಧಿಸೂಚನೆ ವಿಳಂಬ

ನವದೆಹಲಿ: ಸಮಾನ ಹುದ್ದೆಗೆ ಸಮಾನ ಪಿಂಚಣಿ(ಒಆರ್‍ಒಪಿ) ಕುರಿತ ಸರ್ಕಾರದ ಅಧಿಕೃತ ಅಧಿಸೂಚನೆ ಹೊರಬೀಳಲು ಇನ್ನೂ ಒಂದು ತಿಂಗಳು ಕಾಯಬೇಕಾಗಬಹುದು ಎಂದು ರಕ್ಷಣಾ ಸಚಿವಾಲಯದ ಉನ್ನತ ಮೂಲಗಳು ಹೇಳಿವೆ.

ತೀರಾ ವಿಸ್ಮೃತ ವ್ಯಾಪ್ತಿ ಹೊಂದಿರುವ ಈ ಕುರಿತ ಮಾಹಿತಿ ಮತ್ತು ಅಂತಿಮ ಅಂಕಿಅಂಶಗಳೊಂದಿಗೆ ಅಧಿಸೂಚನೆ ಸಿದ್ಧಪಡಿಸಲು ಇನ್ನೂ ಒಂದು ತಿಂಗಳ ಕಾಲಾವಕಾಶ ಬೇಕಾಗಬಹುದು  ಎಂದಿರುವ ಮೂಲಗಳು, ಸರ್ಕಾರ ಅಧಿಕೃತ ಘೋಷಣೆ ಮಾಡಿದ್ದರೂ, ವಿವರ ಅಧಿಸೂಚನೆಗೆ ಇನ್ನೂ ಕನಿಷ್ಠ ಒಂದು ತಿಂಗಳಾದರೂ ಸಮಯ ಬೇಕಿದೆ ಎಂದು ಹೇಳಿವೆ. ಈ ತಿಂಗಳ ಮೊದಲ  ವಾರದಲ್ಲಿ ಕೇಂದ್ರ ಸರ್ಕಾರ ಒಆರ್‍ಒಪಿ ಯೋಜನೆ ಜಾರಿ ಸಂಬಂಧ ಅಧಿಕೃತ ಘೋಷಣೆ ಮಾಡಿತ್ತು.