ಜನವರಿ 1ರಿಂದ ದೆಹಲಿಯ 10 ಮೆಟ್ರೊ ನಿಲ್ದಾಣಗಳಲ್ಲಿ ನಗದುರಹಿತ ವಹಿವಾಟು

ನವದೆಹಲಿ: ದೆಹಲಿಯ 10 ಮೆಟ್ರೊ ರೈಲು ನಿಲ್ದಾಣಗಳು ಮುಂದಿನ ವರ್ಷ ಜನವರಿ ಒಂದರಿಂದ ಸಂಪೂರ್ಣ ನಗದು ರಹಿತ ವಹಿವಾಟುಗಳಿಗೆ ಒಳಪಡಲಿದೆ. ದೆಹಲಿಯ ರೊಶಿನಿ ಪೂರ್ವ, ರೊಹಿಣಿ ಪಶ್ಚಿಮ, ಮಯೂರ್ ವಿಹಾರ್ ಮೊದಲ ಹಂತ, ತಿಲಕ್ ನಗರ್, ನೊಯ್ಡಾ 15ನೇ ವಲಯ ಮತ್ತು ನೆಹರೂ ಪ್ಯಾಲೆಸ್ ಸ್ಟೇಷನ್ ಗಳಲ್ಲಿ ಡಿಜಿಟಲೀಕರಣ ವ್ಯವಸ್ಥೆ ಬರಲಿದೆ.

ಟೊಕನ್, ಸ್ಮಾರ್ಟ್ ಕಾರ್ಡು ಖರೀದಿ, ಟಾಪ್ ಅಪ್ ಗಳು ಮೊಬೈಲ್ ವಾಲೆಟ್, ಡೆಬಿಟ್ ಕಾರ್ಡು ಮತ್ತು ಕ್ರೆಡಿಟ್ ಕಾರ್ಡುಗಳ ಮೂಲಕ ನಗದುರಹಿತ ವಹಿವಾಟು ನಡೆಯಲಿದೆ.

ಈ ನಿಲ್ದಾಣಗಳಲ್ಲಿ ಈಗಾಗಲೇ ಶೇಕಡಾ 70ರಷ್ಟು ಮಂದಿ ಸ್ಮಾರ್ಟ್ ಕಾರ್ಡುಗಳನ್ನು ಬಳಸುತ್ತಿದ್ದಾರೆ. ಇತರ ಮೆಟ್ರೊ ರೈಲು ನಿಲ್ದಾಣಗಳಿಗೆ ಹೋಲಿಸಿದರೆ ಇಲ್ಲಿ ನಗದು ವಹಿವಾಟು ಕಡಿಮೆಯಿದೆ. ಭಾರತದಲ್ಲಿ ನಗದುರಹಿತ ವಹಿವಾಟಿಗೆ ಕೇಂದ್ರ ಸರ್ಕಾರ ಆದ್ಯತೆ ನೀಡುತ್ತಿರುವ ಸಂದರ್ಭದಲ್ಲಿ ಅದನ್ನುಗಮನದಲ್ಲಿಟ್ಟುಕೊಂಡು ಮೆಟ್ರೊ ನಿಲ್ದಾಣಗಳಲ್ಲಿ ಈ ಪದ್ಧತಿ ಅಳವಡಿಸಲಾಗುತ್ತಿದೆ.