ಶೀಘ್ರದಲ್ಲೇ ದೆಹಲಿ-ಮುಂಬೈ ಹೈಸ್ಪೀಡ್ ರೈಲಿನ ಪ್ರಾಯೋಗಿಕ ಓಡಾಟ ಆರಂಭ

ನವದೆಹಲಿ: ಸ್ಪ್ಯಾನಿಶ್ ನಿರ್ಮಿತ ತಲ್ಗೊ ಹೈ ಸ್ಪೀಡ್ ರೈಲು ಶೀಘ್ರದಲ್ಲೇ ದೆಹಲಿ-ಮುಂಬೈ ಮಧ್ಯೆ ಪ್ರಾಯೋಗಿಕ ಓಡಾಟವನ್ನು ಆರಂಭಿಸಲಿದೆ. ಈ ರೈಲು ಗಂಟೆಗೆ 160 ರಿಂದ 200 ಕಿ.ಮೀ.ವೇಗದಲ್ಲಿ ಚಲಿಸುತ್ತದೆ.

ಪ್ರಾಯೋಗಿಕ ಓಡಾಟ ಯಶಸ್ವಿಯಾದರೆ, ದೇಶದ ಇತರೆ ಭಾಗಗಳಲ್ಲೂ ಹೈ ಸ್ಪೀಡ್ ರೈಲನ್ನು ಓಡಿಸಲಾಗುವುದು ಎಂದು ರೇಲ್ವೆ ಸಚಿವಾಲಯದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ತಲ್ಗೊ ಶೀಘ್ರದಲ್ಲೇ ದೆಹಲಿ-ಮುಂಬೈ ಕಾರಿಡಾರ್ ನಲ್ಲಿ ಸಮಯ ಆಧಾರಿತ ಓಡಾಟವನ್ನು ಆರಂಭಿಸಲಿದೆ ಎಂದು ಅವರು ಹೇಳಿದ್ದಾರೆ.

ಸ್ಪ್ಯಾನಿಶ್ ರೈಲು ನಿರ್ಮಾಣ ಕಂಪನಿಯೊಂದು ಪ್ರಾಯೋಗಿಕ ಓಡಾಟಕ್ಕಾಗಿ ಈ ತಲ್ಗೊ ರೈಲನ್ನು ಉಚಿತವಾಗಿ ನೀಡಿದೆ.