ಕೇರಳದಲ್ಲಿ ಝಿಕಾ ವೈರಸ್ ಭೀತಿ: ಬ್ರೆಜಿಲ್ ಫುಟ್ಬಾಲ್ ಆಟಗಾರರ ತಪಾಸಣೆ

ಕೋಳಿಕೋಡ್: ವಿಶ್ವದಾದ್ಯಂತ ಆತಂಕಕ್ಕೆ ಕಾರಣವಾಗಿರುವ ಝಿಕಾ ವೈರಸ್ ಇದೀಗ ಕೇರಳದಲ್ಲಿಯೂ ಭೀತಿ ಸೃಷ್ಠಿಸಿದೆ.

ಸೈಟ್ ನಗ್ ಜೀ ಅಂತಾರಾಷ್ಟ್ರೀಯ ಕ್ಲಬ್ ಟೂರ್ನಮೆಂಟ್ ನಲ್ಲಿ ಆಡಲು ಆಗಮಿಸಿರುವ ಬ್ರೆಜಿಲಿಯನ್ ತಂಡದ ಆಟಗಾರರಲ್ಲಿ ಝಿಕಾ ವೈಸರ್ ಸೋಂಕು ತಗುಲಿರಬಹುದು ಎಂಬ ಆತಂಕ ಹಿನ್ನೆಲೆಯಲ್ಲಿ ಅವರನ್ನು ತೀವ್ರ ತಪಾಸಣೆಗೊಳಪಡಿಸಲಾಗಿದೆ ಎಂದು ಜಿಲ್ಲಾ ವೈದ್ಯಕೀಯ ಅಧಿಕಾರಿ ಡಾ. ಆರ್.ಎಲ್ ಸರಿತ ಅವರು ಹೇಳಿದ್ದಾರೆ.

ಝಿಕಾ ವೈರಸ್ ಆವಳಿಗೆ ಬ್ರೆಜಿಲ್ ತುತ್ತಾಗಿದ್ದು, ಈ ಹಿನ್ನೆಲೆಯಲ್ಲಿ ಕೇರಳಕ್ಕೆ ಆಗಮಿಸಿರುವ 18 ಆಟಗಾರರು ಹಾಗೂ 6 ಮಂದಿ ಅಧಿಕಾರಿಗಳನ್ನು ತೀವ್ರ ತಪಾಸಣೆಗೆ ಒಳಪಡಿಸಲಾಗಿದೆ.