ಲೈಂಗಿಕ ಕಿರುಕಳ ಆರೋಪ: ಕ್ರಿಶ್ಚಿಯನ್ ಪಾದ್ರಿ ಬಂಧನ

ಕೊಚ್ಚಿ: ಬಾಲ ನಿವಾಸದಲ್ಲಿದ್ದ ಅಪ್ರಾಪ್ತೆಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದ ಮೇಲೆ 38 ವರ್ಷದ ಕ್ರಿಶ್ಚಿಯನ್ ಪಾದ್ರಿಯನ್ನು ಬಂಧಿಸಲಾಗಿದೆ.

ಪೆರಂಬವೂರ್ ಬಳಿ ಇರುವ ವಲಯಾಚಿರಂಗರ ಎಂಬಲ್ಲಿ ಮಲಂಕರ ಆರ್ಥಡಕ್ಸ್ ಸಿರಿಯಾನ್ ಚರ್ಚ್ ನಡೆಸುತ್ತಿದ್ದ ಬಾಲ ನಿವಾಸದ ಮ್ಯಾನೇಜರ್ ಆಗಿದ್ದ ಪ್ರೀಸ್ಟ್ ಜಾನ್ ಫಿಲಿಪೋಸ್ ಎಂಬುವವರು ಅಪ್ರಾಪ್ತೆಗೆ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.

ಬಾಲಕಿ ತನ್ನ ಶಾಲೆಯ ಹೆಡ್ ಮಾಸ್ಟರ್ ಬಳಿ ಪ್ರೀಸ್ಟ್ ಲೈಂಗಿಕ ಕಿರುಕುಳ ನೀಡುತ್ತಿರುವುದರ ಬಗ್ಗೆ ಹೇಳಿಕೊಂಡಿದ್ದಾಳೆ. ಆಗ ಶಾಲಾ ಆಡಳಿತ ಮಂಡಳಿ ಮಕ್ಕಳ ಸಹಾಯವಾಣಿ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. 

ಅಧಿಕಾರಿಗಳು ಬಾಲಕಿಯನ್ನು ವಿಚಾರಿಸಿದಾಗ, ಪ್ರೀಸ್ಟ್ ಲೈಂಗಿಕ ಕಿರುಕುಳ ನೀಡಿರುವುದರ ಬಗ್ಗೆ ಮಾಹಿತಿ ನೀಡಿದ್ದಾಳೆ. ಬಾಲಕಿ ಹೇಳಿಕೆಯ ಮೇರೆಗೆ ಪ್ರೀಸ್ಟ್ ಅವರನ್ನು ಬಂಧಿಸಿದ್ದು, ಮಕ್ಕಳ ರಕ್ಷಣೆ ಮತ್ತು ಲೈಂಗಿಕ ಅಪರಾಧ ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ ಎಂದು ಪೆರಂಬವೂರ್ ಸಬ್ ಇನ್ಸ್ ಪೆಕ್ಟರ್ ಹನಿ ಕೆ ದಾಸ್ ತಿಳಿಸಿದ್ದಾರೆ.