ಪಿವಿ ನರಸಿಂಹರಾವ್ 95ನೇ ಹುಟ್ಟುಹಬ್ಬ: ಗೌರವ ಸಲ್ಲಿಸಿದ ಪ್ರಧಾನಿ ಮೋದಿ

ನವದೆಹಲಿ: ಮಾಜಿ ಪ್ರಧಾನಮಂತ್ರಿ ಪಿ.ವಿ. ನರಸಿಂಹ ರಾವ್ ಅವರ 95ನೇ ಹುಟ್ಟಹಬ್ಬದ ಪ್ರಯುಕ್ತ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ಮಂಗಳವಾರ ಗೌರವ ಸಲ್ಲಿಸಿದ್ದಾರೆ.

ಟ್ವಿಟರ್ ನಲ್ಲಿ ಗೌರವ ಸಲ್ಲಿಸಿರುವ ಅವರು, ಪಿ.ವಿ ನರಸಿಂಹ್ ರಾವ್ ಅವರು ಸಂಕಷ್ಟ ಹಾಗೂ ನಿರ್ಣಾಯಕ ಸಮಯದಲ್ಲಿ ಭಾರತವನ್ನು ಮುನ್ನಡೆಸಿದ್ದರು. ಅವರ ನಾಯಕತ್ವ ಗಮನಾರ್ಹ ಹಾಗೂ ಪ್ರಮುಖವಾಗಿತ್ತು ಎಂದು ಹೇಳಿಕೊಂಡಿದ್ದಾರೆ.

ಪಿ.ವಿ.ನರಸಿಂಹರಾವ್ ಅವರು ಜೂನ್ 28, 1921ರಂದು ತೆಲಂಗಾಣದ ಕರೀಂನಗರದಲ್ಲಿ ಜನಿಸಿದ್ದರು. ಜೂನ್. 21, 1991 ರಿಂದ ಮೇ. 16, 1996ರ ಅವಧಿಯವರೆಗೂ ಭಾರತದ ಪ್ರಧಾನಮಂತ್ರಿಯಾಗಿ ಸೇವೆಸಲ್ಲಿಸಿದ್ದರು. ತಮ್ಮ 83ನೇ ವಯಸ್ಸಿನಲ್ಲಿ ಡಿಸೆಂಬರ್ 23, 2004ರಲ್ಲಿ ನಿಧನರಾದರು.