ಗುಣಮಟ್ಟ ದರ್ಜೆಯನ್ನು ತಲುಪದ ನಗರಗಳ ಪಟ್ಟಿಯಿಂದ ನಗರಗಳನ್ನು ಹೊರತರುವುದಕ್ಕೆ ಕೇಂದ್ರ ಸರ್ಕಾರವಾಗಲಿ ಅಥವಾ ರಾಜ್ಯ ಸರ್ಕಾರಗಳಾಗಲಿ ಪರಿಣಾಮಕಾರಿಯಾದ ಯೋಜನೆಗಳನ್ನು ಈ ವರೆಗೂ ಜಾರಿಗೆ ತಂದಿಲ್ಲ. ಇದು ದೇಶದ ಆಂತರಿಕ ಸಂಸ್ಥೆಗಳು ನೀಡಿರುವ ವರದಿಯಾದರೆ, ವಿಶ್ವಸಂಸ್ಥೆ ಪ್ರಕಟ ಮಾಡಿರುವ ವಿಶ್ವದ ಅತಿ ಹೆಚ್ಚು ವಾಯು ಮಾಲಿನ್ಯ ಹೊಂದಿರುವ 20 ನಗರಗಳ ಪಟ್ಟಿಯಲ್ಲಿ 10 ನಗರಗಳು ಭಾರತದ್ದೇ ಆಗಿವೆ ಎಂಬುದು ಮತ್ತೊಂದು ಅಘಾತಕಾರಿ ಅಂಶವಾಗಿದೆ, ಕಳೆದ ಕೆಲವು ವರ್ಷಗಳಿಂದ ದೆಹಲಿ, ಖಾನ್ ಪುರ, ಲಖನೌ, ವಾರಾಣಸಿ ನಗರಗಳ ವಾಯುಮಾಲಿನ್ಯ ಅಪಾಯಕಾರಿ ಮಟ್ಟವನ್ನು ತಲುಪಿವೆ. ಇಷ್ಟಾದರೂ ಈ ವರೆಗೂ ಮಾಲಿನ್ಯ ನಿಯಂತ್ರಣ ಮಂಡಳಿಯಾಗಲಿ ನಗರಗಳ ಸ್ಥಳೀಯ ಆಡಳಿತಗಳು ಜಾಗೃತಗೊಂಡಿಲ್ಲ.
