ಶಿಷ್ಟಾಚಾರ ಬದಿಗೊತ್ತಿ ನಾಲ್ಕರ ಬಾಲೆ ಭೇಟಿ ಮಾಡಿದ ಪ್ರಧಾನಿ ಮೋದಿ

ಅಹಮದಾಬಾದ್: ತವರು ರಾಜ್ಯ ಗುಜರಾತ್ ಪ್ರವಾದಲ್ಲಿರುವ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ಶಿಷ್ಟಾಚಾರವನ್ನು ಬದಿಗೊತ್ತಿ ನಾಲ್ಕು ವರ್ಷದ ಬಾಲಯಿತನ್ನು ನಡುರಸ್ತೆಯಲ್ಲಿಯೇ ಭೇಟಿ ಮಾಡಿ ಮಾತನಾಡಿರುವ ಘಟನೆ ಘಟನೆ ಸೋಮವಾರ ನಡೆದಿದೆ. 

ಗುಜರಾತಿನ ತಾಪಿ ಜಿಲ್ಲೆಯಲ್ಲಿ ಹೋಗುತ್ತಿದ್ದ ವೇಳೆ ವಾಹನಕ್ಕೆ ಅಡ್ಡ ಬಂದ ಪುಟ್ಟ ಬಾಲಕಿಯೊಬ್ಬಳನ್ನು ಭದ್ರತಾ ಸಿಬ್ಬಂದಿಗಳು ಬದಿಗೆ ಸರಿಸುತ್ತಿರುವುದನ್ನು ಪ್ರಧಾನಿ ಮೋದಿಯವರು ನೋಡಿದ್ದಾರೆ. ಈ ವೇಳೆ ಕಾರನ್ನು ನಿಲ್ಲಿಸಲು ಸೂಚಿಸಿದ ಅವರು, ಬಾಲಕಿಯನ್ನು ಕರೆತರುವಂತೆ ಭದ್ರತಾ ಸಿಬ್ಬಂದಿಗಳಿಗೆ ಹೇಳಿದ್ದಾರೆ, ಕಾರಿನ ಬಳಿ ಬಂದ ಬಾಲಕಿಯನ್ನು ಆಲಂಗಿಸಿ ಮಾತನಾಡಿಸಿದ್ದಾರೆ. 

ಬಾಲಕಿಯ ಹೆಸರನ್ನು ಕೇಳಿದ ಮೋದಿ, ನಂತರ ಆಕೆ ಕೈಗೆ ಕಟ್ಟಿಕೊಂಡಿದ್ದ ದೊಡ್ಡ ವಾಚನ್ನು ನೋಡಿ ನಗುತ್ತಾ ಟೈ ಎಷ್ಟಾಗಿದೆ ಎಂದು ಕೇಳಿದ್ದಾರೆ. ನಂತರ ಮುದ್ದಿನಿಂದ ಬಾಲಕಿಯ ಕೆನ್ನೆ ಚಿವುಟಿ ಕಳುಹಿಸಿಕೊಟ್ಟಿದ್ದಾರೆ. 

ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡುತ್ತಿದ್ದು, ವಿಡಿಯೋ ಸಾಕಷ್ಟು ವೈರಲ್ ಆಗಿದೆ.