ಮಕ್ಕಳನ್ನು ವಿದ್ಯಾವಂತರಾಗಿ ಮಾಡುವುದು ಪ್ರತಿಯೊಬ್ಬ ಪೋಷಕರ ಕೆಲಸವಾಗಿರುತ್ತದೆ. ಆದರೆ ಕಲಿಕೆ ಹೆಸರಲ್ಲಿ ಮುಗ್ಧ ಮಗುವಿನ ಮೇಲೆ ಮೃಗೀಯ ವರ್ತನೆ ತೋರುವುದು ಎಷ್ಟು ಸರಿ. ಇಂತಹದೊಂದು ಮನಕಲುಕುವ ವಿಡಿಯೊಂದನ್ನು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಇನ್ಸ್ಟಾಗ್ರಾಮ್ ನಲ್ಲಿ ಶೇರ್ ಮಾಡಿದ್ದಾರೆ.
ಮಹಿಳೆಯ ಮೃಗೀಯ ವರ್ತನೆಗೆ ಬೇಸರ ವ್ಯಕ್ತಪಡಿಸಿರುವ ವಿರಾಟ್ ಕೊಹ್ಲಿ, ಮಕ್ಕಳಿಗೆ ಓದು ಬರಹ ಕಲಿಸುವ ವೇಳೆ ಪ್ರೀತಿ, ವಿಶ್ವಾಸದಿಂದ ಕಲಿಸಬೇಕೇ ಹೊರತು ಹೊಡೆದು ಬಡಿದು ಅಲ್ಲ. ಪುಟ್ಟ ಕಂದ ಅಳುತ್ತಾ ಮಗ್ಗಿಯನ್ನು ಹೇಳುತ್ತಿರುವುದು ನಿಜಕ್ಕೂ ಮನಕಲಕುವಂತಿದೆ ಎಂದು ಬರೆದಿದ್ದಾರೆ.
ಇನ್ನು ಈ ಕುರಿತು ಬಾಲಿವುಡ್ ನಟ ಅರ್ಜುನ್ ರಾಮ್ ಪಾಲ್ ಮತ್ತು ನಟಿ ದಿಯಾ ಮಿರ್ಜಾ ಸಹ ವಿಷಾಧ ವ್ಯಕ್ತಪಡಿಸಿದ್ದಾರೆ. ನಟಿ ದಿಯಾ ಮಿರ್ಜಾ ಈ ಘಟನೆ ನಿಜಕ್ಕೂ ನೋವು ತಂದಿದೆ. ಭಯದಿಂದ ಯಾವುದನ್ನು ಕಲಿಯಲು ಸಾಧ್ಯವಿಲ್ಲ. ಭಯದ ಮೂಲಕ ಏನನ್ನು ಕಲಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.
