ಹವಾಮಾನ ವಿಷಯದಲ್ಲಿ ಭಾರತ ನಿರಾಶೆ ಉಂಟುಮಾಡುವುದಿಲ್ಲ: ಸಚಿವ ಹರ್ಷವರ್ಧನ್

ನವದೆಹಲಿ: ನೈಸರ್ಗಿಕ ಸಂಪನ್ಮೂಲಗಳನ್ನು ಕಡಿಮೆ ಬಳಕೆ ಮಾಡುವುದರ ಬಗ್ಗೆ ಹೆಚ್ಚಿನ ಒತ್ತು ನೀಡಲು ವಿಶ್ವಸಂಸ್ಥೆ ಹಾಗೂ ಉದ್ಯಮದ ನಾಯಕರಿಗೆ ಕರೆ ನೀಡಿರುವ ಕೇಂದ್ರ ಪರಿಸರ ಖಾತೆ ಸಚಿವ ಹರ್ಷವರ್ಧನ್ ಹವಾಮಾನ ವಿಷಯಕ್ಕೆ ಸಂಬಂಧಿಸಿದಂತೆ ಭಾರತ ವಿಶ್ವಸಮುದಾಯಕ್ಕೆ ನಿರಾಶೆ ಮಾಡುವುದಿಲ್ಲ ಎಂದು ಹೇಳಿದ್ದಾರೆ. 

ಹವಾಮಾನವನ್ನು ರಕ್ಷಿಸುವುದು ಭಾರತೀಯರಿಗೆ ರಕ್ತಗತವಾಗಿದ್ದು, ಭಾರತ ಎಂದಿಗೂ ವಿಶ್ವಸಮುದಾಯಕ್ಕೆ ನಿರಾಶೆ ಉಂಟು ಮಾಡುವುದಿಲ್ಲ ಎಂದು ಹೇಳಿದ್ದಾರೆ. ಬ್ಯುಸಿನೆಸ್-ಕ್ಲೈಮೆಟ್ ಶೃಂಗಸಭೆ-2017 ರಲ್ಲಿ ಮಾತನಾಡುತ್ತಿದ್ದ ಹರ್ಷವರ್ಧನ್, 2020 ರೊಳಗೆ ಅಭಿವೃದ್ಧಿ ರಾಷ್ಟ್ರಗಳು ಭಾರತದಂತಹ ರಾಷ್ಟ್ರಗಳಿಗೆ ನೆರವು ನೀಡಲು ಯುಎನ್ಎಫ್ ಸಿಸಿ ಉತ್ತೇಜನ ನೀಡಬೇಕು ಎಂದು ಹರ್ಷವರ್ಧನ್ ಕರೆ ನೀಡಿದ್ದಾರೆ.