ಮಕ್ಕಳ ಸಹಾಯವಾಣಿಗೆ ಈ ಪ್ರಕರಣ ಕೇಳಿ ನಿಜಕ್ಕೂ ಆಘಾತವಾಗಿದೆ.ನಾಗಪಟ್ಟಿಣಂ ಜಿಲ್ಲೆಯ ತಿರುಕ್ಕುವಲೈ ತಾಲ್ಲೂಕಿನ ಕೊತಂಗುಡಿ ಸರ್ಕಾರಿ ಶಾಲೆಯಲ್ಲಿ ಶಿವನೇಶ್ ಕುಮಾರ್ 9ನೇ ತರಗತಿಯಲ್ಲಿ ಓದುತ್ತಿದ್ದ. ಆತನ ತಾಯಿ ಸೆಲ್ವಿ, ಒಂದು ದಿನ ಜ್ಯೋತಿಷಿಯೊಬ್ಬರ ಹತ್ತಿರ ಹೋಗುತ್ತಾರೆ. ಆಗ ಜ್ಯೋತಿಷಿ ನಿಮ್ಮ ಮಗ ಒಬ್ಬನೇ ಮನೆಯಿಂದ ಹೊರಹೋಗುವ ಹಾಗಿಲ್ಲ, ಹೋದರೆ ಆತನ ಜೀವಕ್ಕೆ ಅಪಾಯವಿದೆ ಎನ್ನುತ್ತಾರೆ. ಆಗಲೇ ತೀರ್ಮಾನಕ್ಕೆ ಬಂದ ತಾಯಿ ಮಗನನ್ನು ಶಾಲೆಗೆ ಕಳುಹಿಸುವುದನ್ನು ನಿಲ್ಲಿಸಿ ಮನೆಯಲ್ಲಿಯೇ ಕೂರಿಸುತ್ತಾರೆ. ಕಲಿಕೆಯಲ್ಲಿ ತುಂಬಾ ಆಸಕ್ತಿ ಹೊಂದಿರುವ ಶಿವನೇಶ್ ಖುದ್ದಾಗಿ ಮಕ್ಕಳ ಸಹಾಯವಾಣಿ 1098 ಸಂಖ್ಯೆಗೆ ಕರೆ ಮಾಡಿ ತನ್ನ ಕಷ್ಟವನ್ನು ತೋಡಿಕೊಂಡನು. ಅಧಿಕಾರಿಗಳು ಬಂದು ಬಾಲಕನನ್ನು ಕಾಪಾಡಿದ್ದು ಮಾತ್ರವಲ್ಲದೆ ಶಾಲೆಗೆ ಮತ್ತೆ ಕಳುಹಿಸಿದ್ದಾರೆ.
