ವಯಸ್ಸಿಗೆ ಬಂದ ಮಕ್ಕಳು ಹೆತ್ತವರಿಗೆ ಹಿಂಸೆ ನೀಡುತ್ತಿದ್ದರೂ ತಮ್ಮ ಜೊತೆಯಲ್ಲಿಯೇ ಮನೆಯಲ್ಲಿ ಇರಿಸಿಕೊಳ್ಳಲೇಬೇಕೆಂಬ ಯಾವುದೇ ಕಾನೂನು ಬದ್ಧತೆಗಳಿಲ್ಲ. ವಯಸ್ಸಾದವರು ತಾವು ತಮ್ಮ ಮನೆಯಲ್ಲಿ ಶಾಂತಿಯುತ ಜೀವನವನ್ನು ನಡೆಸುವುದಕ್ಕಾಗಿ ಹಿಂಸೆ ನೀಡುವ ಮಕ್ಕಳನ್ನು ಮನೆಯಿಂದ ಹೊರಗೆ ಹಾಕಬಹುದು ಎಂದು ದೆಹಲಿ ಹೈ ಕೋರ್ಟ್'ನ ನ್ಯಾಯಧೀಶ ಮನಮೋಹನ್ ಅವರು 2007ರ ಹೆತ್ತವರು ಹಾಗೂ ಹಿರಿಯ ನಾಗರೀಕರ ಕಲ್ಯಾಣ ಮತ್ತು ನಿರ್ವಹಣೆ ಕಾಯ್ದೆಯಲ್ಲಿನ ಅಂಶಗಳನ್ನು ವ್ಯಾಖ್ಯಾನಿಸಿದ್ದಾರೆ. ಅಲ್ಲದೆ, ಕಾಯ್ದೆ ಸೆ.32 ಹಾಗೂ ಸೆ.22 (2)ರ ಅಡಿ ಈ ಸಂಬಂಧದ ನಿಯಮಗಳಿಗೆ ಸೂಕ್ತ ತಿದ್ದುಪಡಿಯನ್ನು ಮಾಡುವಂತೆ ಎನ್ ಸಿಟಿಗೆ ಆದೇಶ ನೀಡಿದ್ದಾರೆ.
