ಚೆನ್ನೈ: ಅಪಾರ್ಟ್ ಮೆಂಟ್ ನ ಮೊದಲನೇ ಮಹಡಿಯ ಮನೆಯೊಂದರಲ್ಲಿ ಬೆಂಕಿ ಹೊತ್ತಿಕೊಂಡ ಪರಿಣಾಮ ಇಬ್ಬರು ಮಕ್ಕಳು ಸೇರಿ ನಿದ್ರಿಸುತ್ತಿದ್ದ ನಾಲ್ಕು ಮಂದಿ ಸಾವನ್ನಪ್ಪಿರುವ ಘಟನೆ ಚೆನ್ನೈನ ವಡಪಳನಿಯಲ್ಲಿ ನಡೆದಿದೆ.
ಮೀನಾಕ್ಷಿ(60), ಸೆಲ್ವಿ(35), ಸಂಧ್ಯಾ ಮತ್ತು ಸಂಜಯ್ ಮೃತ ದುರ್ದೈವಿಗಳು. ಈ ನಾಲ್ವರು ಉಸಿರುಗಟ್ಟಿ ಸಾವನ್ನಪ್ಪಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ಕಟ್ಟಡದ ಪಾರ್ಕಿಂಗ್ ಸ್ಥಳದಲ್ಲಿ ಹೊತ್ತಿ ಕೊಂಡ ಬೆಂಕಿಯಿಂದಾಗಿ ಮೊದಲನೇ ಮಹಡಿಗೆ ಪಸರಿಸಿದೆ ಎಂದು ಪೊಲೀಸರು ಶಂಕಿಸಿದ್ದಾರೆ. ಪಾರ್ಕಿಂಗ್ ನಲ್ಲಿಂದ 20 ವಾಹನಗಳು ಸುಟ್ಟು ಹೋಗಿವೆ. ಪಾರ್ಕಿಂಗ್ ಸ್ಥಳದಿಂದ ಬೆಂಕಿ ಮೊದಲ ಮಹಡಿಯಲ್ಲಿದ್ದ 2 ಮನೆಗಳಿಗೆ ವ್ಯಾಪಿಸಿದೆ ಎಂದು ಮೂಲಗಳು ತಿಳಿಸಿವೆ.
ಬೆಳಗಿನ ಜಾವ 4.30 ರ ಸುಮಾರಿಗೆ ದುರಂತ ಸಂಭವಿಸಿದೆ. ಮನೆಯವರ ಚೀರಾಟ ಕೇಳಿದ ಅಕ್ಕಪಕ್ಕದ ಮನೆಯವರು ಉಳಿದ 9 ಮಂದಿಯನ್ನು ಬೆಂಕಿಯಿಂದ ರಕ್ಷಿಸಿದ್ದಾರೆ, ಕೂಡಲೇ ಅವರನ್ನ ಕಿಲ್ಪೌಕ್ ಮೆಡಿಕಲ್ ಆಸ್ಪತ್ರೆದೆ ದಾಖಲಿಸಿದ್ದಾರೆ.
