2022 ರ ವೇಳೆಗೆ ಬಡತನ, ಭ್ರಷ್ಟಾಚಾರ ಮುಕ್ತ ಭಾರತ: ನೀತಿ ಆಯೋಗ

ನವದೆಹಲಿ: 2022 ರ ವೇಳೆಗೆ ಬಡತನ, ಭ್ರಷ್ಟಾಚಾರ ಭಾರತ ನಿರ್ಮಾಣವಾಗಲಿದೆ ಎಂದು ಸರ್ಕಾರಿ ಚಿಂತಕರ ಚಾವಡಿ ನೀತಿ ಆಯೋಗ ಹೇಳಿದೆ.

ಕೇವಲ ಬಡತನ, ಭ್ರಷ್ಟಾಚಾರ ಮಾತ್ರವಲ್ಲದೇ ಭಾರತ 2022 ರ ವೇಳೆಗೆ ಮಲಿನ, ಭಯೋತ್ಪಾದನೆ, ಜಾತೀಯತೆ, ಕೋಮುವಾದದಿಂದಲೂ ಸಹ ಮುಕ್ತಿ ಪಡೆಯಲಿದೆ ಎಂದು ನೀತಿ ಆಯೋಗ ಹೇಳಿದೆ. ಕಳೆದ ತಿಂಗಳು ನಡೆದ ಗೌರ್ನರ್ ಗಳ ಸಮ್ಮೇಳನದಲ್ಲಿ ಇಂಡಿಯಾ @ 2022 ಡಾಕ್ಯುಮೆಂಟ್ ನ್ನು ಮಂಡಿಸಿರುವ ನೀತಿ ಆಯೋಗದ ಉಪಾಧ್ಯಕ್ಷ ರಾಜೀವ್ ಕುಮಾರ್, ಈಗಿನಿಂದ 2047 ರ ವರೆಗೆ ಭಾರತದ ಆರ್ಥಿಕತೆ ಶೇ.8 ರಷ್ಟು ಪ್ರಗತಿ ಸಾಧಿಸಿದಲ್ಲಿ ವಿಶ್ವದ ಪ್ರಮುಖ 3 ಆರ್ಥಿಕತೆಗಳಲ್ಲಿ ಒಂದಾಗಿರಲಿದೆ ಎಂದು ಹೇಳಿದ್ದಾರೆ. 

2022 ರ ವೇಳೆಗೆ ಭಾರತ ಕುಪೋಷಣೆಯಿಂದಲೂ ಮುಕ್ತಿ ಪಡೆಯಲಿದೆ. 2019 ರ ವೇಳೆಗೆ ಪ್ರಧಾನ್ ಮಂತ್ರಿ ಗ್ರಾಮ್ ಸಡಕ್ ಯೋಜನೆ(ಪಿಎಂಜಿಎಸ್ ವೈ) ಅಡಿಯಲ್ಲಿ ಸರ್ಕಾರಕ್ಕೆ ಎಲ್ಲಾ ಹವಾಮಾನ ರಸ್ತೆಗಳ ಮೂಲಕ ಎಲ್ಲಾ ಗ್ರಾಮಗಳಿಗೆ ಸಂಪರ್ಕ ಕಲ್ಪಿಸಲು ಸಾಧ್ಯವಿದೆ ಎಂದು ಇಂಡಿಯಾ @ 2022 ಡಾಕ್ಯುಮೆಂಟ್ ನಲ್ಲಿ ಹೇಳಲಾಗಿದೆ. 

ಇವಿಷ್ಟೇ ಅಲ್ಲದೇ 2022 ರ ವೇಳೆಗೆ ಭಾರತ ಕನಿಷ್ಠ 20 ವಿಶ್ವದರ್ಜೆಯ ಉನ್ನತ ಶಿಕ್ಷಣ ಸಂಸ್ಥೆಗಳನ್ನು ಹೊಂದಿರಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದೆ.