ರಾಹುಲ್‌ ಗಾಂಧಿ ಕುಟುಂಬದವರೆಲ್ಲಾ ಶಿವಭಕ್ತರು, ಅಮಿತ್ ಶಾ ಹಿಂದೂವಲ್ಲ: ರಾಜ್‌ ಬಬ್ಬರ್‌

ನವದೆಹಲಿ: ರಾಹುಲ್ ಗಾಂಧಿ ಹಿಂದೂವಾಗಿದ್ದು. ಅವರ ಕುಟುಂಬಸ್ಥರೆಲ್ಲರೂ ಶಿವನ ಭಕ್ತರಾಗಿದ್ದಾರೆ ಎಂದು ಹಿರಿಯ ಕಾಂಗ್ರೆಸ್ ಮುಖಂಡ ಹಾಗೂ ನಟ ರಾಜ್ ಬಬ್ಬರ್ ಹೇಳಿದ್ದಾರೆ.

ಸೋಮನಾಥ ದೇವಾಲಯದಲ್ಲಿ ಕಾಂಗ್ರೆಸ್‌ ಉಪಾಧ್ಯಕ್ಷ ರಾಹುಲ್‌ ಗಾಂಧಿ ಅವರು ಹಿಂದೂಯೇತರರ ರಿಜಿಸ್ಟರ್ ಪುಸ್ತಕದಲ್ಲಿ ಸಹಿ ಮಾಡಿದ ಹಿನ್ನಲೆಯಲ್ಲಿ ಎದ್ದಿರುವ ವಿವಾದದ ಹಿನ್ನಲೆಯಲ್ಲಿ ಹಿರಿಯ ಕಾಂಗ್ರೆಸ್‌ ನಾಯಕ ರಾಜ್‌  ಬಬ್ಬರ್‌ ಅವರು ಬಿಜೆಪಿ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದು, ಬಿಜೆಪಿ ರಾಜ್ಯಾಧ್ಯಕ್ಷ ಅಮಿತ್ ಶಾ ಅವರು ಹಿಂದೂಗಳೇ ಅಲ್ಲ ಎಂದು ಆರೋಪಿಸಿದ್ದಾರೆ.

"ರಾಹುಲ್‌ ಗಾಂಧಿ ಅವರು ಬಹಳ ಸಮಯದಿಂದ ಶಿವಭಕ್ತರಾಗಿದ್ದಾರೆ. ಅವರ ಕುಟುಂಬವೇ ಶಿವನನ್ನು ಆರಾಧಿಸುತ್ತಿತ್ತು. ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರು ರುದ್ರಾಕ್ಷಿ ಧರಿಸುತ್ತಿದ್ದರು. ಶಿವ ಭಕ್ತರು ಮಾತ್ರ ರುದ್ರಾಕ್ಷಿ ಧರಿಸುವುದು  ಎಂದು ತಿರುಗೇಟು ನೀಡಿದ್ದಾರೆ. ಅಂತೆಯೇ ಅಮಿತ್ ಶಾ ವಿರುದ್ಧ ಕಿಡಿಕಾರಿದ ರಾಜ್ ಬಬ್ಬರ್, "ಅಮಿತ್‌ ಶಾ ಅವರು ಹಿಂದೂ ಎನ್ನುತ್ತಾರೆ ಆದರೆ ಅವರೊಬ್ಬ ಜೈನರಾಗಿದ್ದಾರೆ ಎಂದು ಆರೋಪಿಸಿದರು.