ಉತ್ತರ ಪ್ರದೇಶ: ಮಹಿಳಾವಾದಿ ಪತ್ನಿಯರಿಂದ ಬೇಸತ್ತ 150 ಪುರುಷರಿಂದ 'ಪಿಶಾಚಿನಿ ಮುಕ್ತಿ' ಪೂಜೆ, ಶ್ರಾದ್ಧ!

ಮಹಿಳಾವಾದಿ ಪತ್ನಿಯರಿಂದ ಮುಕ್ತಿ ಪಡೆಯಲು ಸೇವ್ ಇಂಡಿಯನ್ ಫ್ಯಾಮಿಲಿ ಹಾಗೂ ದಾಮನ್ ಕ್ಷೇಮಾಭಿವೃದ್ಧಿ ಸಂಘ ಆ.15 ರಂದು ಈ ಧಾರ್ಮಿಕ ಕ್ರಿಯೆಗಳನ್ನು ಆಯೋಜಿಸಿತ್ತು. ಮಹಿಳಾವಾದಿ ಪತ್ನಿಯರಿಂದ ಬೇಸತ್ತ 150 ಪುರುಷರು ಪಿಶಾಚಿನಿ ಮುಕ್ತಿ ಪೂಜೆ, ಶ್ರಾದ್ಧಗಳನ್ನು ಮಾಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಅವರು ಮಹಿಳಾವಾದದಿಂದ ನಮ್ಮ ವೈವಾಹಿಕ ಜೀವನ ಮುರಿದುಬಿದ್ದಿದೆ ಆದ್ದರಿಂದ ಈ ರೀತಿ ಮಾಡಿದ್ದೆವೆ ಎಂದು ಹೇಳಿದ್ದಾರೆ. 

"ಮಹಿಳೆಯರಿಗಿಂತ ಪುರುಷರು ಶ್ರೇಷ್ಠ ಎಂದು ತೋರ್ಪಡಿಸುವುದಕ್ಕೆ ಈ ಕಾರ್ಯಕ್ರಮ ಹಮ್ಮಿಕೊಂಡಿರಲಿಲ್ಲ,  ನಾವು ಸಮಾನತೆ ಬಯಸುತ್ತೇವೆ, ಆದರೆ ಮಹಿಳಾವಾದದಿಂದ ಬೇಸತ್ತಿದ್ದೇವೆ ಎಂದು ಹೇಳಿದ್ದಾರೆ. 

ಸಾಮಾಜಿಕ ಕಾರ್ಯಕರ್ತ ಅಮಿತ್ ದೇಶಪಾಂಡೆ ಈ ಧಾರ್ಮಿಕ ಕಾರ್ಯಕ್ರಮಗಳ ಬಗ್ಗೆ ಮಾತನಾಡಿದ್ದು, ಈ ದೇಶದ ಪುರುಷರು ಸಮಾನತೆ ಬಯಸುತ್ತಾರೆ. ಆದರೆ ತ್ಯಾಜ್ಯದಂತೆ ನಡೆಸಿಕೊಳ್ಳುವುದನ್ನು ಸಹಿಸುವುದಿಲ್ಲ. ಇಲ್ಲಿ ಬಂದಿರುವ 150 ಜನರು ಪುರುಷರ ಸಮಾನತೆಗಾಗಿ ಹೋರಾಟ ನಡೆಸಲಿದ್ದಾರೆ ಎಂದು ಹೇಳಿದ್ದಾರೆ.