ಪತ್ನಿ ಚಿನ್ಮಯಿ ಜೊತೆ ನಟ ಸುಮಿತ್
ದೇಶ
ನಟ ಸುಮಿತ್ ಪತ್ನಿ ಎದುರು ಹಸ್ತಮೈಥುನ: ಎರಡೇ ಗಂಟೆಗಳಲ್ಲಿ ಆರೋಪಿ ಬಂಧನ
ನಟ ಸುಮೀತ್‌ ರಾಘವನ್ ಅವರ ಪತ್ನಿ ಮುಂದೆ ಹಸ್ತ ಮೈಥುನ ಮಾಡಿದ ವ್ಯಕ್ತಿ ಪೊಲೀಸರ ಅತಿಥಿಯಾಗಿದ್ದಾನೆ....
ನವದೆಹಲಿ: ನಟ ಸುಮೀತ್‌ ರಾಘವನ್ ಅವರ ಪತ್ನಿ ಮುಂದೆ ಹಸ್ತ ಮೈಥುನ ಮಾಡಿದ ವ್ಯಕ್ತಿ ಪೊಲೀಸರ ಅತಿಥಿಯಾಗಿದ್ದಾನೆ.
ಮುಂಬಯಿ ಹೊರವಲಯದ ವಿಲೇ ಪಾರ್ಲೆಯಲ್ಲಿ ಯಾವುದೋ ಕೆಲಸಕ್ಕೆಂದು ಚಿನ್ಮಯೀ ಸುರ್‌ವೆ ಹೋಗಿದ್ದರು, ಈ ವೇಳೆ ಆಕೆಯ ಮುಂದೆ ಬಿಳಿ ಬಿಎಂಡಬ್ಲ್ಯು ಕಾರಿನ ವ್ಯಕ್ತಿಯೊಬ್ಬ ಹಸ್ತಮೈಥುನ ಮಾಡಿಕೊಂಡ.
ಇದರಿಂದ ಆಕ್ರೋಶಗೊಂಡ ಆಕೆ, ಆ ವ್ಯಕ್ತಿಯನ್ನು ತರಾಟೆಗೆ ತೆಗೆದುಕೊಳ್ಳಬೇಕು ಎನ್ನುವಷ್ಟರಲ್ಲಿ ಆತ ಕಾರು ಚಲಾಯಿಸಿಕೊಂಡು ಪರಾರಿಯಾದ; ಆದರೆ ಚಿನ್ಮಯೀ ಅವರು ಸಮಯ ಪ್ರಜ್ಞೆ ತೋರಿ ಆತನ ಕಾರಿನ ಕೊನೆಯ ನಾಲ್ಕು ನಂಬರ್‌ಗಳನ್ನು (1985) ನೋಟ್‌ ಮಾಡಿಕೊಂಡು ಪೊಲೀಸರಿಗೆ ದೂರು ನೀಡಿ ಎಫ್ಐಆರ್‌ ದಾಖಲಿಸಿದರು.
ಪೊಲೀಸರು ಒಡನೆಯೇ ಸಿಸಿಟಿವಿ ಚಿತ್ರಗಳನ್ನು ಪರಿಶೀಲಿಸಿ ಆರೋಪಿ ಕಾರಿನ ಚಾಲಕನನ್ನು ಎರಡೇ ತಾಸುಗಳಲ್ಲಿ ಪೊಲೀಸರು ಬಂಧಿಸಿದ್ದಾರೆ.
ಈ ಪ್ರಹಸನವನ್ನು ಚಿನ್ಮಯೀ ಅವರ ಪತಿ, ನಟ ಸುಮೀತ್‌ ರಾಘವನ್ ಅವರು ಟ್ವಿಟರ್‌ ಮೂಲಕ ಬಹಿರಂಗಪಡಿಸಿ ಕ್ಷಿಪ್ರ ಕಾಯಾಚರಣೆ ನಡೆಸಿದ ಪೊಲೀಸರನ್ನು ಪ್ರಶಂಸಿಸಿದ್ದಾರೆ.
Follow KannadaPrabha channel on WhatsApp
KannadaPrabha News app ಡೌನ್‌ಲೋಡ್ ಮಾಡಿ, ಇತ್ತೀಚಿನ ಸುದ್ದಿಗಳ ಅಪ್ಡೇಟ್ಸ್ ಪಡೆಯಿರಿ
