ಹಿತಾಸಕ್ತಿಗಳಿಗೆ ಧಕ್ಕೆಯುಂಟಾದರೆ, ಎಚ್ಚರಿಕೆ....: ಡೊನಾಲ್ಡ್ ಟ್ರಂಪ್ ಗೆ ಚೀನಾ ಎಚ್ಚರಿಕೆ

ಚೀನಾ ಅಮೆರಿಕಾದೊಂದಿಗೆ ವಾಣಿಜ್ಯ/ ವ್ಯಾಪಾರ ಯುದ್ಧವನ್ನು ಬಯಸುವುದಿಲ್ಲ. ಆದರೆ ಚೀನಾದ ಹಿತಾಸಕ್ತಿಗಳಿಗೆ ಧಕ್ಕೆ ಉಂಟಾದರೆ ಚೀನಾ ಸೂಕ್ತ ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂದು ಚೀನಾದ ರಾಷ್ಟ್ರೀಯ ಪೀಪಲ್ಸ್ ಕಾಂಗ್ರೆಸ್ ನ ವಕ್ತಾರ ಝಾಂಗ್ ಯೆಸುಯಿ ಹೇಳಿದ್ದಾರೆ. 

ಟ್ರೇಡ್ ವಾರ್ ನ ಪರವಾಗಿ ಮಾತನಾಡಿದ್ದ ಡೊನಾಲ್ಡ್ ಟ್ರಂಪ್, ಸ್ಟೀಲ್ ಆಮದಿನ ಮೇಲೆ ಶೇ.25 ರಷ್ಟು ಹಾಗೂ ಅಲ್ಯೂಮಿನಿಯಂ ಮೇಲೆ ಶೇ.10 ರಷ್ಟು ಶುಲ್ಕ ವಿಧಿಸುವುದಾಗಿ ಹೇಳಿದ್ದರು. ಈ ಹಿನ್ನೆಲೆಯಲ್ಲಿ ಚೀನಾ ಟ್ರಂಪ್ ಆಡಳಿತದ ನಿರ್ಧಾರದ ವಿರುದ್ಧ ಕಿಡಿ ಕಾರಿದ್ದು, ಚೀನಾ ಹಿತಾಸಕ್ತಿಗಳಿಗೆ ಧಕ್ಕೆಯುಂಟಾದರೆ ಎಚ್ಚರಿಕೆ... ಎಂದು ಹೇಳಿದೆ.