ರಾಹುಲ್ ಗಾಂಧಿ ಸೋಲಲ್ಲ, ಅವರಿಗೂ ಒಂದಷ್ಟು ಸಮಯ ಕೊಡಿ: ಫಾರೂಕ್ ಅಬ್ದುಲ್ಲಾ!

ಶ್ರೀನಗರ: ಈಶಾನ್ಯ ಭಾರತದ ಮೂರು ರಾಜ್ಯಗಳ ವಿಧಾನಸಭಾ ಚುನಾವಣಾ ಫಲಿತಾಂಶ ರಾಹುಲ್ ಗಾಂಧಿ ಅವರ ಸೋಲಲ್ಲ, ಪಕ್ಷ ಸಂಘಟನೆಗೆ ಅವರಿಗೂ ಒಂದಷ್ಟು ಸಮಯ ಬೇಕು ಎಂದು ನ್ಯಾಷನಲ್ ಕಾನ್ಫರೆನ್ಸ್ ಮುಖ್ಯಸ್ಥ ಫಾರೂಕ್ ಅಬ್ದುಲ್ಲಾ ಹೇಳಿದ್ದಾರೆ.

ಈಶಾನ್ಯ ಭಾರತದ ಮೂರು ರಾಜ್ಯಗಳ ವಿಧಾನಸಭಾ ಚುನಾವಣಾ ಫಲಿತಾಂಶ ಪ್ರಕಟವಾಗಿದ್ದು, ಮೇಘಾಲಯ ಹೊರತು ಪಡಿಸಿ ಉಳಿದ ಎರಡೂ ಅಂದರೆ ನಾಗ್ಯಾಲಾಂಡ್ ಮತ್ತು ತ್ರಿಪುರಾದಲ್ಲಿ ಬಿಜೆಪಿ ಮೈತ್ರಿಕೂಟಕ್ಕೆ ಜಯ ಸಂದಿದೆ. ಈ ಹಿನ್ನಲೆಯಲ್ಲಿ ರಾಹುಲ್ ಗಾಂಧಿ ಅವರ ಕಾಂಗ್ರೆಸ್ ನಾಯಕತ್ವವನ್ನು ಪ್ರಶ್ನೆ ಮಾಡಲಾಗುತ್ತಿದೆ. ಈ ಹಿನ್ನಲೆಯಲ್ಲಿ ಮಾತನಾಡಿರುವ ನ್ಯಾಷನಲ್ ಕಾನ್ಫರೆನ್ಸ್ ಅಧ್ಯಕ್ಷ ಪಾರೂಕ್ ಅಬ್ದುಲ್ಲಾ ರಾಹುಲ್ ಗಾಂಧಿ ಅವರ ಬೆನ್ನಿಗೆ ನಿಂತಿದ್ದಾರೆ.

ಈಶಾನ್ಯ ಭಾರತ ಚುನಾವಣೆ ಸೋಲು ರಾಹುಲ್ ಗಾಂಧಿ ಅವರ ಸೋಲಲ್ಲ. ಈಗಷ್ಟೇ ರಾಹುಲ್ ಗಾಂಧಿ ಕಾಂಗ್ರೆಸ್ ಪಕ್ಷದ ಅಧಿಕಾರ ಸ್ವೀಕರಿಸಿದ್ದು, ಅವರಿಗೂ ಪಕ್ಷ ಸಂಘಟನೆಗೆ ಕಾಲಾವಕಾಶ ಬೇಕು. ಚುನಾವಣೆಗಳು ಬರುತ್ತವೆ, ಹೋಗುತ್ತವೆ.. ಯಾರಿಗೇ ಆದರೂ ಪಕ್ಷ ಸಂಘಟನೆಗೆ ಕಾಲಾವಕಾಶ ಬೇಕು ಎಂದು  ಎಂದು ಫಾರೂಕ್ ಅಬ್ದುಲ್ಲಾ ಹೇಳಿದ್ದಾರೆ.