ಬಿಎಸ್ ಪಿ ಮಾಜಿ ಸಂಸದ ರಾಕೇಶ್ ಪಾಂಡೇ ಪುತ್ರ ಆಶಿಶ್ ಪಾಂಡೇ ಸಾರ್ವಜನಿಕವಾಗಿಯೇ ಗನ್ ತೆಗೆದು ಬೆದರಿಕೆ ಹಾಕಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ದೆಹಲಿಯ ಪಂಚತಾರಾ ಹೋಟೆಲ್ ವೊಂದಕ್ಕೆ ತನ್ನ ಸ್ನೇಹಿತೆಯೊಂದಿಗೆ ಬಂದಿದ್ದ ಆಶೀಶ್ ಪಾಂಡೇ ಅಲ್ಲಿನ ಪಾರ್ಕಿಂಗ್ ವಿಚಾರಕ್ಕೆ ಸಂಬಂಧಿಸಿದಂತೆ ಅಲ್ಲಿದ್ದ ಜೋಡಿಯೊಂದಿಗೆ ಖ್ಯಾತೆ ತೆಗೆದಿದ್ದಾರೆ. ಈ ವೇಳೆ ಇಬ್ಬರೂ ಪರಸ್ಪರ ಜಟಾಪಟಿಗೆ ಮುಂದಾಗಿದ್ದು, ಆಕ್ರೋಶಗೊಂಡ ಆಶೀಶ್ ಪಾಂಡೆ ತಮ್ಮ ಟೀಶರ್ಟ್ ನೊಳಗೆ ಇಟ್ಟಿದ್ದ ಗನ್ ತೆಗೆದು ಬೆದರಿಕೆ ಹಾಕಿದ್ದಾರೆ.