ಎಇಎಸ್ ಎಂಬುದು ಅಕ್ಯುಟ್ ಎನ್ಸೆಫಾಲಿಟಿಸ್ ಸಿಂಡ್ರೋಮ್ ನ ಸಂಕ್ಷಿಪ್ತ ರೂಪ. ಇದು ಒಂದು ವೈರಾಣು ಸೋಂಕಾಗಿದ್ದು, ಮಿದುಳು ಸಂಬಂಧಿತ ಸಮಸ್ಯೆಗಳನ್ನು ತರುತ್ತದೆ. ಸಾಮಾನ್ಯವಾಗಿ ಈ ಎಇಎಸ್ ಸಮಸ್ಯೆ 15 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಈ ಸೋಂಕಿಗೆ ಪ್ರಮುಖ ಕಾರಣ ಕಡಿಮೆ ರೋಗ ನಿರೋಧಕ ಶಕ್ತಿ, ಈ ಎಇಎಸ್ ಸೋಂಕು ಕಾಣಿಸಿಕೊಂಡ ರೋಗಿಯಲ್ಲಿ ಜ್ವರ, ಅತಿಯಾದ ತಲೆನೋವು, ಶೀತ, ವಾಂತಿ, ಕತ್ತು ನೋವು ಸಾಮಾನ್ಯ. ರೋಗ ತೀವ್ರಗೊಂಡರೆ ಈ ಸಮಸ್ಯೆಗಳ ಜೊತೆ ಜೊತೆಗೇ ಮರೆಗುಳಿತನ, ಕಿವಿ ಕೇಳದಿರುವಿಕೆ, ತೊದಲುವಿಕೆ, ಭ್ರಮೆ, ನೆನಪಿನ ಶಕ್ತಿ ಕುಂದುವುದು, ಅರೆನಿದ್ರಾವಸ್ಥೆಯಂತಹ ಸಮಸ್ಯೆಗಳು ಬಾಧಿಸುತ್ತವೆ. ಇನ್ನೂ ರೋಗ ಗಂಭೀರವಾದರೆ ರೋಗಿ ಕೋಮಾ ಸ್ಥಿತಿ ಕೂಡ ತಲುಪಬಹುದು ಎಂದು ವೈದ್ಯರು ಹೇಳಿದ್ದಾರೆ.
