ಐಎಎಫ್ ನ ಮಿಗ್-21 ಪತನ
ದೇಶ
ಜೈಸಲ್ಮೇರ್: ಐಎಎಫ್ ನ ಮಿಗ್-21 ಪತನ; ಪೈಲಟ್ ನಿಧನ
ದೇಶದಲ್ಲಿ ವಾಯುಪಡೆಯ ಮತ್ತೊಂದು ವಿಮಾನ ಪತನಗೊಂಡಿದೆ. ಜೈಸಲ್ಮೇರ್ ನಲ್ಲಿ ಡಿ.24 ರಂದು ರಾತ್ರಿ 8 ಗಂಟೆಗೆ ಮಿಗ್-21 ಪತನಗೊಂಡಿದ್ದು ಇತ್ತೀಚಿನ ವರದಿಯ ಪ್ರಕಾರ ಪೈಲಟ್ ಸಾವನ್ನಪ್ಪಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.
ಜೈಸಲ್ಮೇರ್: ದೇಶದಲ್ಲಿ ವಾಯುಪಡೆಯ ಮತ್ತೊಂದು ವಿಮಾನ ಪತನಗೊಂಡಿದೆ.
ಜೈಸಲ್ಮೇರ್ ನಲ್ಲಿ ಡಿ.24 ರಂದು ರಾತ್ರಿ 8 ಗಂಟೆಗೆ ಮಿಗ್-21 ಪತನಗೊಂಡಿದ್ದು ಇತ್ತೀಚಿನ ವರದಿಯ ಪ್ರಕಾರ ಪೈಲಟ್ ಸಾವನ್ನಪ್ಪಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.
ಐಎಎಫ್ ಈ ದುರ್ಘಟನೆ ಬಗ್ಗೆ ಟ್ವೀಟ್ ಮಾಡಿದ್ದು ವಿಂಗ್ ಕಮಾಂಡರ್ ಹರ್ಷಿತ್ ಸಿನ್ಹಾ ನಿಧನದ ವಾರ್ತೆಯನ್ನು ದೃಢಪಡಿಸಿದ್ದು ಸಂತಾಪ ಸೂಚಿಸಿದೆ.
"ಮಿಗ್-21 ನಲ್ಲಿದ್ದ ವಿಂಗ್ ಕಮಾಂಡರ್ ಹರ್ಷಿತ್ ಸಿನ್ಹಾ ನಿಧನರಾಗಿದ್ದು ತೀವ್ರ ದುಃಖ ಉಂಟುಮಾಡಿದೆ. ಅವರ ಕುಟುಂಬ ಸದಸ್ಯರೊಂದಿಗೆ ಐಎಎಫ್ ಇರಲಿದೆ" ಎಂದು ಟ್ವೀಟ್ ನಲ್ಲಿ ವಾಯುಪಡೆ ತಿಳಿಸಿದೆ
ಡೆಸರ್ಟ್ ನ್ಯಾಷನಲ್ ಪಾರ್ಕ್ ಏರಿಯಾದಲ್ಲಿ ಈ ಘಟನೆ ವರದಿಯಾಗಿದೆ ಎಂದು ಜೈಸಲ್ಮೇರ್ ನ ಎಸ್ ಪಿ ಅಜಯ್ ಸಿಂಗ್ ಪಿಟಿಐ ಗೆ ಹೇಳಿದ್ದಾರೆ. ಸ್ಥಳಕ್ಕೆ ಪೊಲೀಸ್ ಅಧಿಕಾರಿಗಳು ದೌಡಾಯಿಸಿದ್ದು, ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗುತ್ತಿದೆ.
