ಮೊದಲ ದೀಪಾವಳಿ ಆಚರಣೆಗೆ ರಾಮ ಮಂದಿರ ಸಜ್ಜು; ಚೈನೀಸ್ ಅಲಂಕಾರಿಕ ವಸ್ತುಗಳಿಗೆ ನಿಷೇಧ

ಅಯೋಧ್ಯೆ: ಅಯೋಧ್ಯೆ ನಗರವು ಈ ವರ್ಷ ಭವ್ಯವಾದ ದೀಪೋತ್ಸವಕ್ಕೆ ಭರ್ಜರಿ ತಯಾರಿ ನಡೆಸುತ್ತಿದ್ದು, ಇದು ಒಟ್ಟಾರೆ ಎಂಟನೇ ಮತ್ತು ಜನವರಿಯಲ್ಲಿ ರಾಮಮಂದಿರ ಉದ್ಘಾಟನೆಯಾದ ನಂತರ ನಡೆಯುತ್ತಿರುವ ಮೊದಲ ದೀಪಾವಳಿ ದೀಪೋತ್ಸವವಾಗಿದೆ.

ದೇವಾಲಯದ ಆವರಣವನ್ನು ದೀಪಗಳು ಮತ್ತು ಇತರ ವಸ್ತುಗಳಿಂದ ಅಲಂಕರಿಸಲಾಗುವುದು ಎಂದು ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಹೇಳಿದೆ.

"ದೀಪಾವಳಿಯ ಸಮಯದಲ್ಲಿ ಚೈನೀಸ್ ಅಲಂಕಾರಿಕ ವಸ್ತುಗಳ ಬಳಕೆಯನ್ನು ನಿಷೇಧಿಸಲಾಗಿದೆ. ಇದು ಸ್ಥಳೀಯ ಕರಕುಶಲತೆಯನ್ನು ಉತ್ತೇಜಿಸಲು 'ಲೋಕಲ್ ಫಾರ್ ವೋಕಲ್' ಉಪಕ್ರಮ ಮತ್ತು ಸ್ವಾವಲಂಬನೆ(ಆತ್ಮನಿರ್ಭರ್ ಭಾರತ್) ಭಾಗವಾಗಿದೆ" ಎಂದು ಟ್ರಸ್ಟ್ ಪ್ರಕಟಣೆಯಲ್ಲಿ ತಿಳಿಸಿದೆ.

ದೀಪೋತ್ಸವ ಕಾರ್ಯಕ್ರಮದ ಸಮಯದಲ್ಲಿ ಭದ್ರತೆಯನ್ನು ಹೆಚ್ಚಿಸಲಾಗಿದ್ದು, ಸುಮಾರು 10,000 ಭದ್ರತಾ ಸಿಬ್ಬಂದಿ ಕರ್ತವ್ಯದಲ್ಲಿ ಇರುತ್ತಾರೆ ಮತ್ತು ಅವರಲ್ಲಿ ಅರ್ಧದಷ್ಟು ಜನ ಸಾಮಾನ್ಯ ಉಡುಪಿನಲ್ಲಿರುತ್ತಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಚೀನಾದ ಅಲಂಕಾರಿಕ ವಸ್ತುಗಳನ್ನು ಬಳಸದಿರುವ ರಾಮ ಮಂದಿರದ ನಿರ್ಧಾರದ ಬಗ್ಗೆ ಪ್ರತಿಕ್ರಿಯಿಸಿದ ಅಯೋಧ್ಯೆಯ ಕಮಿಷನರ್ ಗೌರವ್ ದಯಾಳ್, "ಮೂಲತಃ, ನಾವು ಸ್ಥಳೀಯ ಮತ್ತು ಸ್ಥಳೀಯ ವಸ್ತುಗಳನ್ನು ಬಳಸಲು ಬಯಸುತ್ತೇವೆ. ಅವರು ಚೀನಾದ ವಸ್ತುಗಳನ್ನು ಬಳಸುವುದಿಲ್ಲ ಎಂದರು.