ಬಂಗಾಳದಲ್ಲಿ 'ಫುಟ್ಬಾಲ್ ಪಾಲಿಟಿಕ್ಸ್': ಮಮತಾ ವಿನ್ಯಾಸಗೊಳಿಸಿದ್ದ ಪ್ರತಿಮೆ ತೆರವುಗೊಳಿಸಿದ ಬಿಜೆಪಿ ಸರ್ಕಾರ

ಕೋಲ್ಕತ್ತಾ: ಫುಟ್ಬಾಲ್ ಅನ್ನು ಅತಿಯಾಗಿ ಪ್ರೀತಿಸುವ ಜನರಿರುವ ಪಶ್ಚಿಮ ಬಂಗಾಳದಲ್ಲಿ ಫುಟ್ಬಾಲ್' ಪಾಲಿಟಿಕ್ಸ್' ಆರಂಭವಾಗಿದ್ದು, ಕೋಲ್ಕತ್ತಾ ಬಳಿಯ ಸಾಲ್ಟ್ ಲೇಕ್ ಕ್ರೀಡಾಂಗಣದ ವಿವಿಐಪಿ ಗೇಟ್‌ನ ಹೊರಗೆ ಇದ್ದ ವಿವಾದಾತ್ಮಕ ಪ್ರತಿಮೆಯನ್ನು ಹೊಸ ಬಿಜೆಪಿ ಸರ್ಕಾರ ತೆರವುಗೊಳಿಸಿದೆ.

ಈ ಪ್ರತಿಮೆಯನ್ನು ಪಶ್ಚಿಮ ಬಂಗಾಳದ ಮಾಜಿ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ವಿನ್ಯಾಸಗೊಳಿಸಿದ್ದಾರೆ ಎಂದು ವರದಿಯಾಗಿದ್ದು, ಬಿಜೆಪಿ ಸರ್ಕಾರದ ನಿರ್ದೇಶನಗಳನ್ನು ಅನುಸರಿಸಿ ಶನಿವಾರ ಅದನ್ನು ಕೆಡವಲಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸಾಲ್ಟ್ ಲೇಕ್ ಕ್ರೀಡಾಂಗಣ ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ವಿವೇಕಾನಂದ ಯುವ ಭಾರತಿ ಕ್ರಿರಂಗನ್ ಹೊರಗೆ ಈ ಪ್ರತಿಮೆ ಇತ್ತು. ತೆರವುಗೊಳಿಸುವಿಕೆ ಪೂರ್ಣಗೊಂಡ ನಂತರ, ಸ್ಥಳದಲ್ಲಿ ಬೂಟುಗಳು ಮತ್ತು ಫುಟ್‌ಬಾಲ್ ಮಾತ್ರ ಉಳಿದಿವೆ.

ಅನೇಕ ಫುಟ್‌ಬಾಲ್ ಪ್ರಿಯರು ಈ ಪ್ರತಿಮೆಯನ್ನು "ವಿಲಕ್ಷಣ" ಮತ್ತು "ಅರ್ಥಹೀನ" ಎಂದು ಟೀಕಿಸಿದ್ದರು. ಆದರೆ ಮಮತಾ ಬ್ಯಾನರ್ಜಿ ಅವರೇ ಈ ಪ್ರತಿಮೆಯನ್ನು ವಿನ್ಯಾಸಗೊಳಿಸಿದ್ದರಿಂದ ಇದು ಹಾಗೆಯೇ ಇತ್ತು. ಇದೀಗ ಈ ವಿವಾದಾತ್ಮಕ ರಚನೆಯನ್ನು ಬಿಜೆಪಿ ಸರ್ಕಾರ ತೆರವುಗೊಳಿಸಿದೆ.

ಈ ಪ್ರತಿಮೆಯನ್ನು 2017ರ ಫಿಫಾ (FIFA) ಕಿರಿಯರ ವಿಶ್ವಕಪ್ ಸಿದ್ಧತೆಯ ನವೀಕರಣದ ಸಂದರ್ಭದಲ್ಲಿ ಸ್ಥಾಪಿಸಲಾಗಿತ್ತು. ಆಗಿನ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಸ್ವತಃ ಈ ವಿನ್ಯಾಸವನ್ನು ರೂಪಿಸಿದ್ದರು. ಬೃಹತ್ ಫುಟ್ಬಾಲ್ ಆಟಗಾರನ ಕಾಲುಗಳು 'ಬಿಸ್ವ ಬಾಂಗ್ಲಾ' ಲೋಗೋದ ಕಡೆಗೆ ಚಾಚಿಕೊಂಡಿರುವಂತೆ ಮತ್ತು ಫುಟ್ಬಾಲ್ ಮೇಲೆ "ಜೋಯಿ" (Joyi) ಎಂದು ಬರೆಯಲಾಗಿರುವಂತೆ ಇದನ್ನು ವಿನ್ಯಾಸಗೊಳಿಸಲಾಗಿತ್ತು.