ಒಂದು ಸಿನಿಮಾ ಎರಡು ಭಾಗ- ಈ ಹಿಂದೆ ಒಂದೇ ಸಿನಿಮಾ ಎಂದು ಹೇಳಲಾಗಿತ್ತಾದರೂ ಈಗ ಪುಷ್ಪಾ ಸಿನಿಮಾವನ್ನು ಎರಡು ಭಾಗಗಳಾಗಿ ಬಿಡುಗಡೆ ಮಾಡುವುದಾಗಿ ಸುದ್ದಿ ಹೊರ ಬಿದ್ದಿದೆ. ಕೊರೊನಾ ಕಾರಣದಿಂದ ನಷ್ಟದಿಂದ ತಪ್ಪಿಸಿಕೊಳ್ಳುವ ಮಾರ್ಗ ಇದೆಂದು ಹೇಳಲಾಗುತ್ತಿದೆ.
ಲಾರಿ ಡ್ರೈವರ್ ಪಾತ್ರ- ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಇದೇ ಮೊದಲ ಬಾರಿಗೆ ಲಾರಿ ಡ್ರೈವರ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
ಸೆನ್ಸೇಷನ್ ಸೃಷ್ಟಿಸಿರುವ ರಶ್ಮಿಕಾ ಮಂದಣ್ಣ ಲುಕ್
ಪೊಲೀಸ್ ಪಾತ್ರದಲ್ಲಿ- ನಿರ್ದೇಶಕ/ ನಟ ಸಮುತಿರಖನಿ ಈ ಸಿನಿಮಾದಲ್ಲಿ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಲ್ಲು ಅರ್ಜುನ್ ರ ಅಲಾ ವೈಕುಂಠಪುರಂಲೊ ಸಿನಿಮಾದಲ್ಲಿ ಅವರು ಖಳನಾಯಕನಾಗಿ ಮಿಂಚಿದ್ದರು.
ಆರ್ಯ ಮ್ಯಾಜಿಕ್- ಅಲ್ಲು ಅರ್ಜುನ್ ಅವರಿಗೆ ತೆಲುಗು ಚಿತ್ರರಂಗದಲ್ಲಿ ಮೊದಲು ಬ್ರೇಕ್ ನೀಡಿದ್ದ ಆರ್ಯ ಚಿತ್ರವನ್ನು ನಿರ್ದೇಶಿಸಿದ್ದು ಪುಷ್ಪಾ ನಿರ್ದೇಶಕ ಸುಕುಮಾರ್
ನಾಯಕ ಪಾತ್ರಕ್ಕೆ ಮೊದಲ ಆಯ್ಕೆ- ನಿರ್ದೇಶಕ ಸುಕುಮಾರ್ ಮೊದಲು ಪುಷ್ಪಾ ನಾಯಕ ಪಾತ್ರಕ್ಕೆ ಮಹೇಶ್ ಬಾಬು ಅವರನ್ನು ಸಂಪರ್ಕಿಸಿದ್ದರು. ಕೆಲ ಕ್ರಿಯೇಟಿವ್ ಭಿನ್ನಾಭಿಪ್ರಾಯಗಳಿಂದ ಮಹೇಶ್ ಬಾಬು ಈ ಸಿನಿಮಾ ದಿಂದ ಹಿಂದಕ್ಕೆ ಸರಿದಿದ್ದರು.
ಖಳ ನಟನಾಗಿ ಮಾಲಿವುಡ್ ನಾಯಕ- ಮಲಯಾಳಂ ಹೊಸ ಅಲೆ ಸಿನಿಮಾಗಳಿಂದ ದೇಶಾದ್ಯಂತ ಗಮನ ಸೆಳೆದಿರುವ ನಟ ಫಾದ್ ಫಾಜಿಲ್ ಪುಷ್ಪಾ ಖಳ ನಾಯಕರಾಗಿ ನಟಿಸಿದ್ದಾರೆ.
ಸ್ಟಾರ್ ಗಳ ಸಮ್ಮಿಲನ- ಪುಷ್ಪಾದಲ್ಲಿ ಅಲ್ಲು ಅರ್ಜುನ್- ರಶ್ಮಿಕಾ ಹೊರತು ಪಡಿಸಿ ಪ್ರಕಾಶ್ ರಾಜ್, ಫಹಾದ್ ಫಾಜಿಲ್, ವಿಜಯ್ ಸೇತುಪತಿ, ಜಗಪತಿ ಬಾಬು, ಡಾಲಿ ಧನಂಜಯ್ ಮತ್ತಿತರರು ನಟಿಸಿದ್ದಾರೆ.
ಐಟಂ ಡ್ಯಾನ್ಸ್ ನಂಬರ್- ಬಾಲಿವುಡ್ ಬೆಡಗಿ ಊರ್ವಶಿ ರೌಟೆಲಾರನ್ನು ಐಟಮ್ ಡ್ಯಾನ್ಸ್ ಗಾಗಿ ಪುಷ್ಪಾ ಸಿನಿಮಾಗೆ ಬರಮಾಡಿಕೊಳ್ಳಲಾಗಿದೆ. ಮೊದಲು ಶ್ರದ್ಧಾ ಕಪೂರ್ ಅವರನ್ನು ಸಿನಿಮಾ ತಂಡ ಸಂಪರ್ಕಿಸಿತ್ತು.
ಚಿತ್ರದ ಕಥೆ- ಚಿತ್ತೂರು ಜಿಲ್ಲೆಯ ಶೇಷಾಚಲಂ ಅರಣ್ಯಪ್ರದೇಶದಲ್ಲಿ ನಡೆಯುವ ರಕ್ತಚಂದನ ಕಳ್ಳಸಾಗಣೆ ಸುತ್ತ ಚಿತ್ರದ ಕಥೆ ಹೆಣೆಯಲಾಗಿದೆ.
ಬಜೆಟ್ ಎಷ್ಟಪ್ಪಾ?- ಈ ಹಿಂದಿನ ಅಲ್ಲು ಅರ್ಜುನ್ ಹಿಟ್ ಚಿತ್ರ ಅಲಾ ವೈಕುಂಠಪುರಂಲೊ ಸಿನಿಮಾದ ಬಜೆಟ್ 75 ಕೋಟಿ ರೂ. ಪುಷ್ಪಾ ಬಜೆಟ್ ವಿಷಯದಲ್ಲಿ 10 ಕೋಟಿ ರೂ. ಮೀರಿಸಿದೆ. ಪುಷ್ಪಾ ಚಿತ್ರದ ಬಜೆಟ್ 85 ಕೋಟಿ ರೂ. ಮೀರಿದೆ
.jpg?w=640&auto=format%2Ccompress)
