ನವದೆಹಲಿ: ದೇಶಿಯ ಮೊಬೈಲ್ ತಯಾರಕ ಕಂಪನಿ ಲಾವಾ 6,299 ರೂ ಗಳಿಗೆ ಹೊಸ ಟ್ಯಾಬ್ ಲೆಟ್ ಐವರಿ ಪಿಒಪಿ ನ್ನು ಬಿಡುಗಡೆ ಮಾಡಿದೆ.
ಲಾವಾ ಹೊಸದಾಗಿ ಬಿಡುಗಡೆ ಮಾಡಿರುವ ಟ್ಯಾಬ್ಲೆಟ್ 7 ಇಂಚು ಹೆಚ್ ಡಿ ಡಿಸ್ಪ್ಲೆ, ನೆಮಾಟಿಕ್ ತಂತ್ರಜ್ಞಾನ ಹೊಂದಿದ್ದು, 1.0 ಗಿಗಾ ಹರ್ಟ್ಸ್ ಕೋರ್-ಪ್ರೊಸೆಸರ್, 1 ಜಿಬಿ ರಾಮ್, 32 ಜಿಬಿ ವರೆಗೆ ವಿಸ್ತರಿಸಬಹುದಾದ 16 ಜಿಬಿ ಆಂತರಿಕ ಮೆಮೊರಿ ಅಥವಾ ಇಂಟರ್ನಲ್ ಮೆಮೊರಿ ಹೊಂದಿದೆ.
ಆಂಡ್ರಾಯ್ಡ್ 5.1 ಒಎಸ್ ನ್ನು ಹೊಂದಿರುವ ಲಾವಾ ಟ್ಯಾಬ್ ಲೆಟ್, ಹಲವು ವೈವಿಧ್ಯಮಯ ಆಯ್ಕೆಗಳನ್ನು ಹೊಂದಿದ್ದು ಜನರಿಗೆ ಮೆಚ್ಚುಗೆಯಾಗುವ ವಿಶ್ವಾಸವಿದೆ ಎಂದು ಸಂಸ್ಥೆಯ ಟ್ಯಾಬ್ ಲೆಟ್ ಹಾಗೂ ಐಟಿ ಉತ್ಪನ್ನಗಳ ವಿಭಾಗದ ಮುಖ್ಯಸ್ಥ ರಮಣ್ ಶರ್ಮ ಹೇಳಿದ್ದಾರೆ. ಲಾವಾ ಬಿಡುಗಡೆ ಮಾಡಿರುವ ಟ್ಯಾಬ್ ಲೆಟ್ 5 ಎಂಪಿ ಕ್ಯಾಮರಾ ಹಾಗೂ 3.2 ಎಂಪಿ ಮುಂಭಾಗದ ಕ್ಯಾಮರಾ ಹೊಂದಿದೆ.
