ನನ್ನ ಮಗಳು ಸಿನಿಮಾದಲ್ಲಿ ನಟಿಸಲ್ಲ: ಸಚಿನ್ ಸ್ಪಷ್ಟನೆ

ಮುಂಬೈ: ಮಾಜಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಮಗಳು ಸರಾ ತೆಂಡೂಲ್ಕರ್ ಅವರು ಬಾಲಿವುಡ್ ಚಿತ್ರವೊಂದರಲ್ಲಿ ನಾಯಕಿಯಾಗಲಿದ್ದಾರೆ ಎಂಬ ವದಂತಿಗಳನ್ನು ಸಚಿನ್ ಅಲ್ಲಗಳೆದಿದ್ದಾರೆ.

ಮೂರ್ನಾಲ್ಕು ದಿನಗಳಿಂದ ಹಬ್ಬಿದ್ದ ಗಾಳಿ ಸುದ್ದಿಗಳ ಬಗ್ಗೆ ಟ್ವಿಟರ್‍ನಲ್ಲಿ ಕಿಡಿಕಾರಿರುವ ಅವರು, `ನನ್ನ ಮಗಳು ಇನ್ನೂ ವಿದ್ಯಾಭ್ಯಾಸದಲ್ಲಿ ನಿರತರಾಗಿದ್ದು, ಆಕೆ ಅದರಲ್ಲೇ ತಲ್ಲೀನಳಾಗಿದ್ದಾಳೆ.

ಆಕೆಗೆ ಸಿನಿಮಾ ನಾಯಕಿಯಾಗಬೇಕೆನ್ನುವ ಯಾವುದೇ ಗೀಳು ಇಲ್ಲ' ಎಂದಿದ್ದಾರೆ. 18 ವರ್ಷ ವಯಸ್ಸಿನ ಸರಾ ತೆಂಡೂಲ್ಕರ್ ಅವರು, ನಟ ಶಾಹೀದ್ ಕಪೂರ್ ನಾಯಕರಾಗಿರುವ ಚಿತ್ರವೊಂದರಲ್ಲಿ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ ಎಂಬ ಸುದ್ದಿಗಳು ಹರಿದಾಡಿದ್ದವು.