ಐಸಿಸಿ ಪ್ರಶಸ್ತಿ: ಸ್ಟೀವ್ ಸ್ಮಿತ್ ಅವರಿಗೆ ವರ್ಷದ ಕ್ರಿಕೆಟಿಗ ಪ್ರಶಸ್ತಿ

ದುಬೈ: ಐಸಿಸಿ ಪ್ರಶಸ್ತಿ ಪ್ರದಾನ ಸಮಾರಂಭ ಸೋಮವಾರ ದುಬೈನಲ್ಲಿ ನಡೆದಿದ್ದು, ಆಸ್ಟ್ರೇಲಿಯಾ ನಾಯಕ ಸ್ಟೀವ್ ಸ್ಮಿತ್  ವರ್ಷದ ಕ್ರಿಕೆಟಿಗ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. 

ತನ್ನ ಸಾಧನೆಗಾಗಿ ಸ್ಮಿತ್ ಸರ್ ಗಾರ್‌ಫೀಲ್ಡ್ ಸೋಬರ್ಸ್ ಟ್ರೋಫಿ ಗೆದ್ದಿದ್ದು ಮಾತ್ರವಲ್ಲದೆ,  ಐಸಿಸಿ ವರ್ಷದ ಟೆಸ್ಟ್ ಕ್ರಿಕೆಟರ್ ಪ್ರಶಸ್ತಿಯನ್ನೂ ಗಿಟ್ಟಿಸಿಕೊಂಡಿದ್ದಾರೆ.

ಟೆಸ್ಟ್ ಪಂದ್ಯಗಳಲ್ಲಿ ಅತೀ ಹೆಚ್ಚು ರನ್ ಗಳಿಸಿರುವ ಕ್ರೀಡಾಪಟುವಾಗಿದ್ದಾರೆ ಸ್ಮಿತ್. 13 ಪಂದ್ಯ, 25 ಇನ್ನಿಂಗ್ಸ್ ನಲ್ಲಿ  1,734 ರನ್ ಗಳಿಸಿರುವ ಸ್ಮಿತ್ 82.57 ಸರಾಸರಿ ಹೊಂದಿದ್ದಾರೆ.ಇದರಲ್ಲಿ 7 ಶತಕ ಮತ್ತು 6 ಅರ್ಧ ಶತಕಗಳು ಸೇರಿವೆ. 26 ಏಕ ದಿನ ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ ಸ್ಮಿತ್ 1, 249 ರನ್ ಗಳಿಸಿದ್ದು, ಇದರಲ್ಲಿ  4 ಶತಕ ಮತ್ತು 8 ಅರ್ಧ ಶತಕಗಳು ಸೇರಿವೆ.