ವಿಶ್ವ ಸ್ನೂಕರ್: ಎಂಟರಘಟ್ಟಕ್ಕೆ ಭಾರತ

ವುಕ್ಸಿ (ಚೀನಾ): 12 ಬಾರಿ ವಿಶ್ವ ಚಾಂಪಿಯನ್ ಪಂಕಜ್ ಅಡ್ವಾಣಿ ಮತ್ತು ಆದಿತ್ಯ ಮೆಹ್ತಾ ಅವರನ್ನೊಳಗೊಂಡ ಭಾರತ ತಂಡ ಸ್ನೂಕರ್ ವಿಶ್ವಕಪ್ ಟೂರ್ನಿಯಲ್ಲಿ ಅಂತಿಮ
ಎಂಟರ ಘಟ್ಟಕ್ಕೆ ಪ್ರವೇಶಿಸಿದೆ.

ಶುಕ್ರವಾರ ನಡೆದ ಎ ಗುಂಪಿನ ಅಂತಿಮ ರೌಂಡ್ ರಾಬಿನ್ ಪಂದ್ಯದಲ್ಲಿ ಭಾರತದ ಜೋಡಿ 4-1 ಫ್ರೇಮ್ ಗಳ ಅಂತರದಲ್ಲಿ ಸಿಂಗಾಪುರ ವಿರುದ್ಧ ಗೆಲವು ದಾಖಲಿಸಿತು. ಈ ಮೂಲಕ ಚೀನಾ ನಂತರ ಅಂದರೆ ದ್ವಿತೀಯ ಸ್ಥಾನ ಪಡೆದಿದೆ.

ನಾಲ್ಕು ಗುಂಪಿನಲ್ಲಿ ಅಗ್ರ ಎರಡು ಸ್ಥಾನ ಪಡೆದ ತಂಡಗಳು ಎಂಟರ ಘಟ್ಟಕ್ಕೆ ಪ್ರವೇಶಿಸಿವೆ. ಭಾರತದ ಅನುಭವಿ ಆಟಗಾರರು 2-3 ಫ್ರೇಮ್ ಗಳ ಅಂತರದಲ್ಲಿ ಹಾಲಿ ಚಾಂಪಿಯನ್ ಚೀನಾ ವಿರುದ್ಧ ಕೂದಲೆಳೆಯ ಅಂತರದಲ್ಲಿ ಸೋಲನುಭವಿಸಿದರು. ಆಮೂಲಕ ಎ ಗುಂಪಿನಲ್ಲಿ ಅಗ್ರಸ್ಥಾನ ಪಡೆಯುವಲ್ಲಿ ವಿಫಲರಾದರು