ಭಾರತಕ್ಕೆ ಸೋಲು

ಢಾಕಾ: ಪಂದ್ಯದ ಅಂತಿಮ ನಾಲ್ಕು ನಿಮಿಷದಲ್ಲಿ ಎದುರಾಳಿ ತಂಡಕ್ಕೆ ಎರಡು ಗೋಲು ಬಿಟ್ಟುಕೊಟ್ಟ ಭಾರತ ತಂಡ 23 ವರ್ಷದೊಳಗಿನ ಏಷ್ಯನ್ ಫುಟ್ಬಾಲ್ ಕಾನ್ಫೆಡರೇಷನ್ ಚಾಂಪಿಯನ್‍ಶಿಪ್ ನಲ್ಲಿ ಉಜ್ಬೇಕಿಸ್ತಾನ ವಿರುದ್ಧ ಸೋಲನುಭವಿಸಿತು.

ಶುಕ್ರವಾರ ಇಲ್ಲಿನ ಬಾಂಗಬಂಧು ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಉಜ್ಬೇಕಿಸ್ತಾನ 2-0 ಗೋಲುಗಳ ಅಂತರದಲ್ಲಿ ಭಾರತವನ್ನು ಮಣಿಸಿತು. 87ನೇ ನಿಮಿಷದಲ್ಲಿ ಎದುರಾಳಿ ತಂಡದ ಐಗೋರ್  ಸೆರ್ಗಿವ್ ಟೋ ಹೆಡ್ ಮಾಡಿ ತಂಡಕ್ಕೆ ಮೊದಲ ಗೋಲು ತಂದುಕೊಟ್ಟರು. ನಂತರ 92ನೇ ನಿಮಿಷದಲ್ಲಿ ಮಿಡ್‍ಫೀಲ್ಡರ್ ವ್ಲಾಡ್ಮಿರ್ ಕೊಜಾಕ್ ಮತ್ತೊಂದು ಗೋಲು ದಾಖಲಿಸಿ ಉಜ್ಬೇಕಿಸ್ತಾನ ತಂಡಕ್ಕೆ
ಗೆಲವು ಖಚಿತಪಡಿಸಿದರು.