ಇನ್ನು ಮಲೇಷಿಯಾ ತಂಡದ ಪರ ಶಹ್ರಿಲ್ ಶಾಬ 68ನೇ ನಿಮಿಷದಲ್ಲಿ ಏಕಾಂಗಿ ಗೋಲು ದಾಖಲಿಸಿದರು. ಭಾನುವಾರ ನಡೆದಿದ್ದ ಆರಂಭಿಕ ಪಂದ್ಯದಲ್ಲಿ ಪಾಕಿಸ್ತಾನದ ವಿರುದ್ಧ, ಬುಧವಾರ ಅರ್ಜೆಂಟೀನಾ ವಿರುದ್ಧ ಗೆದ್ದಿದ್ದ ಭಾರತ, ಈ ಪಂದ್ಯದಲ್ಲೂ ಜಯಿಸಿ 9 ಅಂಕಗಳನ್ನು ಸಂಪಾದಿಸುವ ಮೂಲಕ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆಯಿತು. ಆ ಮೂಲಕ ಗ್ರೇಟ್ ಬ್ರಿಟನ್ (8) ಮತ್ತು ಅರ್ಜೆಂಟೀನಾ (7) ತಂಡಗಳನ್ನು ಹಿಂದಿಕ್ಕಿತು. ಪಂದ್ಯದ ಆರಂಭದಲ್ಲಿ ಉಭಯ ತಂಡಗಳು ಪರಸ್ಪರ ಹೋರಾಟ ನಡೆಸಿದವು. ಹಾಗಾಗಿ ಪಂದ್ಯದ ಮೊದಲಾರ್ಧ ಮುಕ್ತಾಯದ ವೇಳೆ ಗೋಲುರಹಿತ ಸಮಬಲ ಕಂಡುಬಂದಿತು. ಆದರೆ ಪಂದ್ಯದ ದ್ವಿತೀಯಾರ್ಧದಲ್ಲಿ ಹರ್ಮನ್ಪ್ರೀತ್ ಸಿಂಗ್ ಅವರ ಚುರುಕಿನ ಆಟ ತಂಡಕ್ಕೆ ವಿಜಯ ತಂದುಕೊಟ್ಟಿತು.