ಹ್ಯಾಮಿಲ್ಟನ್: ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಪಂದ್ಯದಲ್ಲಿ ನ್ಯೂಜಿಲೆಂಡ್ ಜಯ ಗಳಿಸಿ ಸರಣಿ ಕೈವಶ ಮಾಡಿಕೊಂಡಿತು.
ಮೂರು ಏಕದಿನ ಪಂದ್ಯಗಳ ಸರಣಿಯಲ್ಲಿ 2-1ರಿಂದ ನ್ಯೂಜಿಲೆಂಡ್ ಗೆದ್ದುಕೊಂಡಿದೆ. ಮೂರನೇ ಪಂದ್ಯದಲ್ಲಿ ಗೆಲ್ಲಲು 247 ರನ್ ಗುರಿ ಪಡೆದ ಆಸ್ಟ್ರೇಲಿಯಾ ಕೇವಲ 191 ರನ್ನಿಗೆ ಆಲೌಟ್ ಆಗಿ 55 ರನ್'ಗಳಿಂದ ಸೋಲಪ್ಪಿತು.
ನ್ಯೂಜಿಲೆಂಡ್ ಪರ ಮಾರ್ಟಿನ್ ಗುಪ್ಟಿಲ್ 59, ಗ್ರ್ಯಾಂಟ್ ಎಲಿಯಟ್ 50, ಬ್ರೆಂಡಾನ್ ಮೆಕಲಮ್ 47, ಕೋರೇ ಆಂಡರ್ಸನ್ 27, ಕೇನ್ ವಿಲಿಯಮ್ಸನ್ 18, ಹೆನ್ರಿ ನಿಕೋಲ್ಸ್ 18 ರನ್ ಗಳಿಸಿದ್ದಾರೆ.
ಆಸ್ಟ್ರೇಲಿಯಾ ಪರ ಮಿಶೆಲ್ ಮಾರ್ಷ್ 3, ಜಾನ್ ಹೇಸ್ಟಿಂಗ್ಸ್, ಜೋಶ್ ಹೇಜಲ್ವುಡ್ ತಲಾ 2 ವಿಕೆಟ್ ಪಡೆದಿದ್ದಾರೆ.
