ಏಟಿಗೆ ಎದಿರೇಟು: ಅಖಾಡದಲ್ಲಿ ಮೂವರನ್ನು ಮಣ್ಣುಮುಕ್ಕಿಸಿದ ಗ್ರೇಟ್ ಖಲಿ

ಡೆಹ್ರಾಡೂನ್: ಹಲ್ಡವಾನಿಯಲ್ಲಿ ನಡೆದ ಸಿಡಬ್ಲೂಇ ರೆಸ್ಲಿಂಗ್ ನಲ್ಲಿ ಫೈಟರ್ಸ್ ಗಳಾದ ಬ್ರೂಡಿ, ಮೆಕ್ಸ್ ಹಾಗೂ ಅಪೊಲೋ ದಿ ಗ್ರೇಟ್ ಖಲಿಗೆ ಹೊಡೆದಿದ್ದರಿಂದ ತಲೆಗೆ ಗಂಭೀರ ಗಾಯಗಳಾಗಿತ್ತು. ಇದೀಗ ಚೇತರಿಸಿಕೊಂಡು ಮತ್ತೆ ಅಖಾಡಕ್ಕೀಲಿದ ಖಲಿ ಮೂವರನ್ನು ಹಣ್ಣುಗಾಯಿ ನೀರುಗಾಯಿ ಮಾಡಿ ಅವರ ವಿರುದ್ಧ ಜಯ ಗಳಿಸಿದ್ದಾರೆ.

ಡೆಹ್ರಾಡೂನ್ ನ ಪ್ರತಾಪ್ ಸ್ಪೋರ್ಟ್ಸ್ ಸ್ಟೇಡಿಯಂನಲ್ಲಿ ನಡೆದ ದಿ ಗ್ರೇಟ್ ಖಲಿ ರಿಟನ್ಸ್ ಶೋನಲ್ಲಿ ಫೈಟರ್ಸ್ ಗಳಾದ ಬ್ರೂಡಿ, ಮೆಕ್ಸ್ ಹಾಗೂ ಅಪೊಲೋರನ್ನು ಮಣಿಸಿ ಸಿಡಬ್ಲೂಇ ರೆಸ್ಲಿಂಗ್ ಫೈನಲ್ ಕುಸ್ತಿ ಪಂದ್ಯದಲ್ಲಿ ಅಮೋಘ ಜಯ ಗಳಿಸಿದ್ದಾರೆ.

ಕಳೆದ ಬುಧವಾರ ನಡೆದ ಪಂದ್ಯದಲ್ಲಿ ಮೂವರು ಫೈಟರ್ಸ್ ಗಳು ಖಲಿಗೆ ಚೇರ್ ಗಳಲ್ಲಿ ಹೊಡೆದು ಗಂಭೀರ ಗಾಯಗೊಳಿಸಿದ್ದರು. ಹೀಗಾಗಿ ಅವರು ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದು ಅಖಾಡಕ್ಕೀಳಿದು ಸೆಣಸಿ ಜಯ ಗಳಿಸಿದ್ದಾರೆ.