ಕೇಪ್ಟೌನ್: ದಿಢೀರ್ ಬೆಳವಣಿಗೆಯಲ್ಲಿ ದ. ಆಫ್ರಿಕಾ ಟೆಸ್ಟ್ ತಂಡದ ನಾಯಕ ಹಾಶೀಂ ಆಮ್ಲಾ ತಮ್ಮ ಸ್ಥಾನದಿಂದ ಕೆಳಗಿಳಿದಿದ್ದಾರೆ. ಬುಧವಾರ ಇಂಗ್ಲೆಂಡ್ ವಿರುದ್ಧದ 2ನೇ ಪಂದ್ಯ ಡ್ರಾ ಕಂಡ ಬಳಿಕ ಆಮ್ಲಾ ಸ್ವತಃ ಈ ನಿರ್ಧಾರ ಪ್ರಕಟಿಸಿದರು. ಕಳೆದ ವರ್ಷ ಸಾಕಷ್ಟು ನಿರಾಸೆ ಅನುಭವಿಸಿದ್ದ ಆಮ್ಲಾ ನೇತೃತ್ವದ ದ.ಆಫ್ರಿಕಾ, ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಸೋತಿತ್ತಾದರೂ, 2ನೇ ಟೆಸ್ಟ್ನಲ್ಲಿ 32 ವರ್ಷದ ಆಮ್ಲಾ ದ್ವಿಶತಕ ದಾಖಲಿಸಿ ತಂಡಕ್ಕೆ ಆಸರೆಯಾಗಿದ್ದರು. ಸಾಕಷ್ಟು ಯೋಚಿಸಿ, ಈ ತೀರ್ಮಾನಕ್ಕೆ ಬಂದಿದ್ದೇನೆ ಎಂದು ಆಮ್ಲಾ ತಿಳಿಸಿದರು. ಟೆಸ್ಟ್ ತಂಡದ ಸಾರಥ್ಯವನ್ನು ಸದ್ಯಕ್ಕೆ ಎಬಿ ಡಿವಿಲಿಯರ್ಸ್ಗೆ ವಹಿಸಲಾಗಿದೆ.
