ಅಂತಾರಾಷ್ಟ್ರೀಯ ಹಾಕಿ ಫೆಡರೇಷನ್‌ಗೆ ಭಾರತದ ನರಿಂದರ್ ಬಾತ್ರಾ ನೂತನ ಅಧ್ಯಕ್ಷ

ದುಬೈ: ಅಂತಾರಾಷ್ಟ್ರೀಯ ಹಾಕಿ ಫೆಡರೇಷನ್(ಎಫ್ಐಎಚ್)ನ ನೂತನ ಅಧ್ಯಕ್ಷರಾಗಿ ಹಾಕಿ ಇಂಡಿಯಾದ ಅಧ್ಯಕ್ಷ ನರಿಂದರ್ ಬಾತ್ರಾ ಆಯ್ಕೆಯಾಗಿದ್ದಾರೆ.

ಎಫ್ಐಎಚ್ ನ ಸಭೆಯಲ್ಲಿ ನರಿಂದರ್ ಬಾತ್ರಾ ನೂತನ ಅಧ್ಯಕ್ಷರೆಂದು ಘೋಷಿಸಲಾಯಿತು. ಬಾತ್ರಾ 92 ವರ್ಷಗಳ ಇತಿಹಾಸ ಹೊಂದಿರುವ ಎಫ್ಐಎಚ್ ಗೆ ಆಯ್ಕೆಯಾದ ಮೊದಲ ಯುರೋಪಿಯನ್ನೇತರ ಅಧ್ಯಕ್ಷ ಎಂಬ ಹಿರಿಮೆಗೆ ಪಾತ್ರರಾಗಿದ್ದಾರೆ. ಇನ್ನು ಮುಂದಿನ ನಾಲ್ಕು ವರ್ಷಗಳ ಕಾಲ ಬಾತ್ರಾ ಹುದ್ದೆ ಮುಂದುವರೆಸಲಿದ್ದಾರೆ.  

ಅಧ್ಯಕ್ಷರ ಆಯ್ಕೆಗಾಗಿ ನಡೆದ ಚುನಾವಣೆಯಲ್ಲಿ ಬಾತ್ರಾ ಅವರು ಐರ್ಲೆಂಡ್ ಡೇವಿಡ್ ಬಲ್ ಬಿರ್ನಿ ಮತ್ತು ಆಸ್ಟ್ರೇಲಿಯಾದ ಕೆನ್ ಲೀಡ್ ಅವರನ್ನು ಭಾರೀ ಮತಗಳ ಅಂತರದಿಂದ ಸೋಲಿಸಿದ್ದರು. ಬಾತ್ರಾಗೆ 68 ಮತ ಸಿಕ್ಕರೆ ಡೇವಿಡ್ ಗೆ 29, ಮತ್ತು ರೀಡ್ ಗೆ ಕೇವಲ 13 ಮತ್ತು ಸಿಕ್ಕಿದೆ.