ಓಟದಲ್ಲಿ ಉಸೇನ್ ಬೋಲ್ಟ್‌ರನ್ನೇ ಸೋಲಿಸಿದ್ದ ಯುವಿ... ಅದು ಹೇಗೆ ಅಂತೀರಾ!

ವಿಶ್ವದ ವೇಗದ ಓಟಗಾರ ಉಸೇನ್ ಬೋಲ್ಟ್ ಅವರನ್ನು ರನ್ನಿಂಗ್ ರೇಸ್ ನಲ್ಲಿ ಕ್ರಿಕೆಟಿಗ ಯುವರಾಜ್ ಸಿಂಗ್ ಹಿಂದಿಕ್ಕಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 

ಟೀಂ ಇಂಡಿಯಾದ ಸ್ಫೋಟಕ ಬ್ಯಾಟ್ಸ್ ಮನ್ ಯುವರಾಜ್ ಸಿಂಗ್ ಉಸೇನ್ ಬೋಲ್ಟ್ ಜತೆಗಿನ ಓಟದ ಸ್ಪರ್ಧೆಯ ವಿಡಿಯೋ ಪ್ರಕಟಿಸಿದ್ದಾರೆ. ಅದರಲ್ಲಿ ಇಡೀ ವಿಶ್ವದಲ್ಲಿ ನಿಮ್ಮನ್ನು ಸೋಲಿಸಿರುವ ಏಕೈಕ ವ್ಯಕ್ತಿ ಬಹುಶಃ ನಾನೊಬ್ಬನೇ ಎಂದು ಯುವಿ ಟ್ವೀಟ್ ಮಾಡಿದ್ದಾರೆ. 

ಓಟದ ಸ್ಪರ್ಧೆಯಲ್ಲಿ ಯುವರಾಜ್ ಸಿಂಗ್, ಉಸೇನ್ ಬೋಲ್ಟ್ ಸೇರಿದಂತೆ ನಾಲ್ಕು ಜನ ಓಡಿದ್ದು ಈ ವೇಳೆ ಬೋಲ್ಡ್ ರನ್ನು ಕೈ ಹಿಡಿದು ಹಿಂದೆ ತಳ್ಳಿ ಯುವರಾಜ್ ಮುನ್ನುಗ್ಗಿದ್ದಾರೆ. ಈ ತಮಾಷೆಯ ಓಟ ಈ ಹಿಂದೆ ಕ್ರಿಕೆಟಿಗರು ಹಾಗೂ ಅಥ್ಲೀಟ್ ಗಳು ಭಾಗಿಯಾಗಿದ್ದ ಕಾರ್ಯಕ್ರಮವೊಂದರಲ್ಲಿ ನಡೆದಿತ್ತು.