ನವದೆಹಲಿ: ದಲಾಸ್ ಮಾವೆರಿಕ್ಸ್ ತಂಡದಲ್ಲಿ ಆಡುತ್ತಿರುವ ಮೊದಲ ಭಾರತೀಯ ಬಾಸ್ಕೆಟ್ ಬಾಲ್ ಕ್ರೀಡಾಪಟು ಸತ್ನಾಮ್ ಸಿಂಗ್ ಅವರ ಜೀವನಚರಿತ್ರೆಯನ್ನೂ ಸಿನಿಮಾವಾಗಿ ತೆರೆಗೆ ತರುವುದಿದ್ದರೆ ನಾಯಕನಟವಾಗಿ ಅಭಿನಯಿಸುವುದಾಗಿ ಬಾಲಿವುಡ್ ನಟ ಅಭಿಶೇಕ್ ಬಚ್ಚನ್ ಹೇಳಿದ್ದಾರೆ.
ಆದರೆ ಅಮೆರಿಕದ ಎನ್ಬಿಎ(ರಾಷ್ಟ್ರೀಯ ಬಾಸ್ಕೆಟ್ ಬಾಲ್)ನಲ್ಲಿ ನೀವು ಪ್ರಶಸ್ತಿ ಗೆದ್ದರೆ ಸಂಭಾವನೆ ತೆಗೆದುಕೊಳ್ಳದೆ ಉಚಿತವಾಗಿ ನಿಮ್ಮ ಜೀವನಚರಿತ್ರೆ ಸಿನಿಮಾದಲ್ಲಿ ನಟಿಸುತ್ತೇನೆ ಎಂದು ಟ್ವೀಟರ್ ಮೂಲಕ ಸತ್ನಾಮ್ ಗೆ ಅಭಿಶೇಕ್ ಪ್ರತಿಕ್ರಿಯೆ ನೀಡಿದ್ದಾರೆ.
ಜತೆಗೆ ನನಗೆ ನೀಡುವ ಹಣವನ್ನು ನೀವು ಸಮಾಜಸೇವೆಗೆ ನೀಡಬಹುದು, ಅದು ನಿಮಗೆ ಬಿಟ್ಟಿದ್ದು ಎಂದು ಅಭಿಶೇಕ್ ತಿಳಿಸಿದ್ದಾರೆ.
ಕೆಲ ದಿನಗಳ ಹಿಂದಷ್ಟೇ ತನ್ನ ಜೀವನಚರಿತ್ರೆಯನ್ನೂ ಸಿನಿಮಾವಾಗಿ ತೆರೆಗೆ ತರುವುದಿದ್ದರೆ ನಟ ಅಭಿಶೇಕ್ ಬಚ್ಚನ್ ನಟಿಸಬೇಕೆಂಬ ಇಂಗಿತವನ್ನು ಸತ್ನಾಮ್ ಸಿಂಗ್ ವ್ಯಕ್ತಪಡಿಸಿದ್ದರು.