ಈ ಬಗ್ಗೆ ಮಾತನಾಡಿರುವ ನಾಯಕಿ ರಾಣಿ, ನಮ್ಮ ಮೇಲೆ ಯಾವುದೇ ಒತ್ತಡವಿಲ್ಲ. ಆದರೆ ಅತಿಥೇಯರಾಗಿರುವ ಇಂಗ್ಲೆಂಡ್ ತಂಡದ ಮೇಲೆ ಖಂಡಿತಾ ಒತ್ತಡ ಇರುತ್ತದೆ. ಈ ಹಿಂದೆ ಕಾಮನ್ ವೆಲ್ಚ್ ಗೇಮ್ಸ್ ಕ್ರೀಡಾಕೂಟದಲ್ಲಿ ಇಂಗ್ಲೆಂಡ್ ತಂಡವನ್ನು ನಾವು ಮಣಿಸಿದ್ದೇವೆ. ಹೀಗಾಗಿ ಈ ಪಂದ್ಯದಲ್ಲೂ ಗೆಲ್ಲುವ ವಿಶ್ವಾಸವಿದೆ. ತಂಡದ ಫಾರ್ವರ್ಡ್ ಪ್ರಸ್ತುತ ಅತ್ಯುತ್ತಮವಾಗಿದ್ದು, ನಾವು ಯಾವುದೇ ನಿರ್ದಿಷ್ಟ ಆಟಗಾರ್ತಿಯರ ಮೇಲೆ ಅವಲಂಬಿತರಾಗಿಲ್ಲ. ತಂಡದಲ್ಲಿ ಯುವ ಆಟಗಾರ್ತಿಯರಿದ್ದು, ಖಂಡಿತಾ ಉತ್ತಮ ಪ್ರದರ್ಶನ ನೀಡುತ್ತೇವೆ. ತಂಡದ ಸ್ಟಾರ್ ಆಟಗಾರ್ತಿ ಗುರ್ಜಿತ್ ಕೌರ್ ಸೇರ್ಪಡೆಯಿಂದಾಗಿ ತಂಡದಲ್ಲಿ ಹೊಸ ಹುರುಪು ಸೃಷ್ಟಿಯಾಗಿದೆ. ಅಂತೆಯೇ 200ಕ್ಕೂ ಹೆಚ್ಚು ಪಂದ್ಯಗಳನ್ನಾಡಿರುವ ವಂದನಾ ಕಟಾರಿಯಾ ಅವರ ಅನುಭವ ನೆರವಾಗಲಿದೆ ಎಂದು ರಾಣಿ ಹೇಳಿದರು.
