ದುಬೈ: ಅಂತಾರಾಷ್ಟ್ರೀಯ ಕಬಡ್ಡಿ ಫೆಡರೇಷನ್ ಆರು ದೇಶಗಳ ನಡುವಿನ ಕಬಡ್ಡಿ ಮಾಸ್ಟರ್ಸ್ ದುಬೈ ಲೀಗ್ ನ ಮೊದಲ ಪಂದ್ಯದಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನವನ್ನು ಭಾರತ ಧೂಳಿಪಟ ಮಾಡಿದೆ.
ಸ್ಟಾರ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ನ ಸಹಯೋಗದೊಂದಿಗೆ ಮತ್ತು ದುಬೈ ಸ್ಪೋರ್ಟ್ಸ್ ಕೌನ್ಸಿಲ್ ನ ಸಹಕಾರದೊಂದಿಗೆ ಆರಂಭಗೊಂಡಿರುವ ಲೀಗ್ ನ ಉದ್ಘಾಟನಾ ಪಂದ್ಯದಲ್ಲಿ ಭಾರ ಪಾಕಿಸ್ತಾನ ವಿರುದ್ಧ 36-20 ಅಂತರದಿಂದ ಗೆಲುವು ಸಾಧಿಸಿ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ.
ಭಾರತ ಪರ ಸ್ಟಾರ್ ರೈಡರ್ ನಾಯಕ ಅಜಯ್ ಠಾಕೂರ್ 16 ರೈಡ್ ಪಾಯಿಂಟ್, ರೋಹಿತ್ ಕುಮಾರ್ 9 ಪಾಯಿಂಟ್ ಪಡೆದಿದ್ದಾರೆ.
9 ದಿನ ನಡೆಯಲಿರುವ ಈ ಟೂರ್ನಿಯಲ್ಲಿ ವಿಶ್ವದ ಆರು ರಾಷ್ಟ್ರಗಳು ಭಾಗವಹಿಸಿವೆ. ಇಂದಿನ ಪಂದ್ಯ ವೀಕ್ಷಣೆಗಾಗಿ ಬಾಲಿವುಡ್ ಸ್ಟಾರ್ ನಟ ಅಭಿಶೇಕ್ ಬಚ್ಚನ್, ಕ್ರೀಡಾ ಸಚಿವ ರಾಜವರ್ಧನ ಸಿಂಗ್ ರಾಥೋಡ್ ಸೇರದಂತೆ ಅನೇಕರು ಆಗಮಿಸಿದ್ದರು.
